Solîn Mihemed/Qamişlo
Kongra Star a Kantona Cizîrê di bin dirûşmeya “Azadiya Fîzîk Ya Rêber Apo Kilîta Çareserî û Pêkanîna Aştiyê ye” li stadyoma Heysem Kiço ya bajarê Qamişlo mîtîngek lidar xist.
Îro, li stadyoma Heysem Kiço ya li bajarê Qamişlo ji aliyê Kongra Star a Kantona Cizîrê ve mîtîngek di bin dirûşmeya “Azadiya Fîzîk Ya Rêber Apo Kilîta Çareserî û Pêkanîna Aştiyê ye” hat lidarxistin. Di mîtîngê de rêxistinên jin, sazî û dezgehên Rêveberiya Xweser, saziyên civaka sivîl û bi sedan şêniyên ji bajarê Amûdê, Dêrikê, Tilhemîs, Tilkoçer, Çilaxa û Qamişlo beşdar bibûn.
Di mîtîngê de alên ku wêneyên Rêber Apo li ser bûn, hatibûn hildan û siloganên ‘Bê Serok Jiyan Nabe û Jin Jiyan Azadî’ dihatin berzandin.
Herwiha berî ku mîtîngê were destpêkirin beşdarvan deqeyeke rêzgirtin li ser giyanê şehîdan rawestiyan.
Piştre li ser navê Endama Kongra Star a Kantona Cizîrê Bêrîvan Xalid, herwiha li ser PYD’ê Bedîa Ebdulrehman û li ser navê pêkhateyên Suriyan Semîra Hina axivîn û wiha gotin: “Ev 27’ sal e komployeke navnetewî li ser Rêber Apo hatiye sazkirin, komplekî ku cîhan hemû xwe bêdeng kir û xwestin ku gelên Bakur û Rojhilatê Sûriyê jî bi girtina Rêber Apo bêdeng bikin. Rêber Apo îro dest bi pêvajoya “Aştî û Civaka Demokiratîk” kiriye û ev ne cara yekemîne ku ew bangî aştiyê dike, her dem banga wî aşîtî û wekhevî ye. Lê rûreşiya cîhanê û hêzên navnetewî nedixwestin ev pêvajo pêk bê. Tevî wê jî dîsa di 27’ê Sibatê de Rêber Apo di bin navê Aştî û Civaka Demokratîk de dest bi pêvajoya aştiyê kir, em jî wek şagirtên Rêber Apo ji bo pêkanîna vê bangê her em ê li qadan bin.”
Di dawiya mîtîngê de beşeke hunerî hat pêşkêşkirin.
