Solîn Mihemed/Qamişlo
Hîlala Zêrîn ya Bakur û Rojhilatê Sûriyê û TEV-ÇAND’ê, di 33’ emîn salvegera Şehadeta Bêrîtan de, li Navenda Mihemed Şêxo ya bajarê Qamişlo ew bibîr anîn.
Îro, li Navenda Çand û Huner ya Mihemed Şêxo ya bajarê Qamişlo, ji bo 33’emîn salvegera Şehîd Bêrîtan ji aliyê Hîlala Zêrîn ya Bakur û Rojhilatê Sûriyê û TEV-ÇAND’ê çalakiyek lidar xistin. Di çalakiyê de endamên Çand û Hunerê hazir bûn.
Di destpêkA çalakiyê de axaftin hat kirin û sinvîzyonek li ser jiyana Şehîd Bêrîtan hat temaşekirin û di heman demê de beşê duyemîn yê muzîkê ji aliyê koma Şehîd Hêva ve hat pêşkêşkirin.
Di destpêkê de deqeyek rêzgirtin li ser giyanê şehîdan rawestiyan û piştire li ser navê Kordinasyona TEV- ÇAND ê ya Bakur û Rojhilatê Sûriyê Şêrîn Reşîd li ser Şehîd Bêrîtan axivî û wiha got: “Di şexsê Şehîd Bêrîtan de em îro dibînin ku artêşeke me bi navê artêşa jinê tê naskirin, heye. Şehîd Bêrîtan ya ku da diyarkirin ku ne tenê zilam çekan radike da diyarkirin ku jin jî dikare çekan rake. Ji xwe di şexsê Şehîd Bêrîtan de em îro dibînin ku bi saya wan hemû hevalên jin cihê xwe di YPJ’ de digirin, bi hezaran jin cihê xwe di hêzên parastina jin de digirin, ev ji bo me şoreşeke pir mezin e. Dema ku em behsa Şehîd Bêrîtan dikin Şehîd Bêrîtan îxanet û radestkirin qebûl nekir û çalakiya xwe berdewam kir, ew di salekê de xwe da îsbatkirin û got ku ‘ez heme, ez ê heb im û ez ê mayinde jî bimînim û em jî li ser riya wê ne û şopedarên wê bin, ji xwe em hemû şehîdan bi bîr tînin û bejina xwe li hember hemû şehîdên azadiyê jî ditewînin.
