Navenda Nûçeyan
Endama Ciwanên Partiya Yakîtiya Demokrat (PYD) li Lubnanê Sîlva Hemo diyar kir ku di vê pêvajoya hestyar de lidarxistina Konferansa Ciwanên PYD’ê li Lubnanê xwdî girîngiyeke mezin e û wiha got: “Heya ku em pêşerojek azad û demokratîk ava bikin divê em xwe li ser fikrê Rêber Apo perwerde bikin.”
Bi dirûşmeya “Bi têkoşîna ciwanan, em siberojeke azad û demokratîk biafirînin” di 19’ê Cotmehê de li Beyrûtê Konferansa Yekemîn a Ciwanên Partiya Yekîtiya Demokratîk (PYD) li Lubnanê hat lidarxistin û 200 delege tê de beşdar bûn. Di dawiya konferansê de encamname hat eşkerekirin û wiha bû:
-Ji bo azadiya fîzîkî ya Rêber Abdullah Ocalan çalakiyên bi bandor werin lidarxistin.
-Xebat were kirin ku ciwan vegerin Rojava da ku li gorî fikra Rêber Abdulla Ocalan û Neteweya Demokratîk tevlî xebatên avakirinê bibin.Zêdekirina perwerdeya ramyarî û siyasî ji bo ciwanan li ser bingeha raman û felsefeya Rêber Abdullah Ocalan.
-Lidarxistina komxebatên salane der barê raman, siyaset û medyayê de, bi hevkariya saziyên çandî yên Lubnanî.
-Avakirina komîteyên ciwanan li hemû herêmên Lubnanê.
-Avakirina komîteyek têkiliyan ji bo xurtkirina têkiliyên bi rêxistinên ciwanan ên Lubnanî û Ereb re.
Di derbarê mijarê de endama Ciwanên Partiya Yakîtiya DemoKratîk li Lubnanê Sîlva Hemo ji Rojnameya me re axivî.
Sîlva Hemo di destpêka axaftina xwe de balkişand ser xebatên ciwanan li Lubnanê û wiha got: “Bi giştî xebatên ciwanan li Lubnanê berfireh e, ji ber ku ciwan li Lubnanê tevlî xebatên giştî dibin weke şahî, perwerde û simîner, herwiha ciwan cihê xwe di hemû qadan de digirin û tevlî dibin. Ji xwe em wek ciwanên Rojava têkiliyên me gelekî berfireh in, her dem em hewil didin ku xwe bighînin hemû ciwanên me yên li Lubnanê û heta asteke baş ev yek pêk hat. Lê piştî şerê Hizbullah û Israyîl ji ber rewşa ewlehiyê têkiliyên me bi cwanan re hinekî kêm ma. Lê li gorî bernameya me tişta herî girîng ew ku em di du salên li pêş de têkiliyên xwe bi ciwanan re xurtir bikin û xwe bigîhînin tevahî ciwanên me li Lubnanê.”
Ji bo avakirina pêşerojek azad divê em xwe li ser fikrê Rêber Apo perwerde bikin’
Sîlva Hemo di derbarê lidarxistina Konferansa yekemîn a ciwanên PYD’ê li Lubnanê wiha anî ziman: “Konferansa Ciwanên PYD’ê di bin durşmeya “Bi Têkoşîna Ciwanan Em Pêşerojek Azad Demoqratîk Biafirînin” hat lidarxistin. Bi vê konferansê me gavek pir girîng avêt. Bi taybet ji bo xebatên ku li Lubnanê werin meşandin di du salên pêş de, nîqaş hatin kirin. Bi taybet em li ser Banga Rêber Apo ya Aştî û Civaka Demokratîk rawestiyan û nirxandin hatin kirin. Rêber Apo name ji bo ciwanan şand, em ê jî li ser wî esasî tevbiger in. Ji bo ciwan û malbatan jî em piştigirya wan dikin da ku vegerin welatê xwe ji ber ku gelek ciwanên me li Lubnanê hene, hem zane û hem jî pêşketî ne, em dixwazin bi giştî vegerin welat. Ev yek jî di bernameyê me yên dema pêş de heye. Tişta sereke ku destpêkê em ê li ser kar bikin perwerdekirina ciwanan e. Ji ber ku heya ku em pêşerojek azad û demokratîk ava bikin divê em xwe baş li ser fikrê Rêber Apo perwerde bikin.”
‘Pêwêst e ciwanên Kurd yên derveyî welat, vegerin ser axa xwe’
Endama Ciwanên Partiya Yakîtiya DemoKratîk li Lubnanê Sîlva Hemo axaftina xwe wiha qedand: “Peyama me ji bo ciwanên derveyî welat ew e ku vegerin welatê xwe, ne tenê di erdê Lubnanê de li her derê din jî çi ciwan hebin bila vegerin welat ji ber ku welat welatê me ye, em dixwazin di demên pêş de ciwan li ser vî esasî bimeşin û em jî piştgirtiya wan dikin ku vegerin, herwiha ciwan bi erkê xwe radibin, ew tevî zehmetiyan jî li erk, kar û rêxistinên xwe xwedî derdikevin. “
