Esma Mistefa/ Qamişlo
Endama Meclisa Jin a PYD’ê yê herêma Cizîrê Hayistan Hesen da zanîn ku 6’mîn Kampanya bi armanca tundiya li ser jin, azadiya fîzîkî a Rêber Apo û dengvedana şoreşa jin li hember zihniyeta ku di Sûriyê de tê birêvebirin; hatiye destpêkirin.
Di 8’ê Cotmehê de Meclisa Jin a PYD’ê bi beşdarbûna girseya jin ji hemû tevger û saziyên herêma Bakur û Rojhilatê Sûriyê kampaniya xwe a 6’emîn di bin dirûşmeya “Ber bi Avakirina Sûriyayek Demokratîk ve bi Pêşengntiya Jina Azad” ragihad. Têkildarî vê kampaniyê Endama Meclisa Jin a PYD’ê ya herêma Cizîrê Hayistan Hesen ji Rojnameya me re axivî.
Naveroka Kampanyayê
Hayistan derbarê kampanyayê de wiha axivî: “Li gor herikîna pêvajoyê her dem kampaniya ji aliyê Meclisa Jin a PYD’ê ve tên destpêkirin, Ev jî kampaniya 6’emîne ku ji bo tundiya li ser jin, her wiha azadiya fîzîkî ya Rêber Apo û komploya ku hatiye meşandine. Her wiha dengvedana Şoreşa Rojava a ku bi pêşengtiya jin hatiye destpêkirin ava bikin. Wê di vê çarçoveyê de rêzeçalakiyên me yên taybet hebin. Ji wê zêdetir wê çalakiyên nîtalîk bi komxebat û panel bên lidarxistin. ev kampanya wê heyanî 2 heyvan dirêj bike. Bi serpereştiya Meclisa Jin a PYD’ê hemû jinên di nava sazî, partî, tevger û rêxistinana de cihê xwe tê de digrin. Her wiha jinên ji civakê. Bi vê kampanyayê re wê danûstandin û tensîq bi hemû saziyên jin re hebe, her wiha bi jinên ciwan re jî”.
‘Li hember kiryarên li ser jin; şerê zihnî pêş bixin û bibin destek ji jinên Sûriyê re’
Hayistan di berdewamiya axaftina xwe de da zanîn ku li hember rewşa Sûriyê bi taybet di dema hikumeta HTŞ’ê ya Colanî de, pêwîstî bi van kampanyayan heye û wiha got: “Hikumeta heyî a Sûriyê rola jina pêşeng ji her qadê tune dihesibîne û tu garantiyê nade jinê. Ev yek ji rengê tundiya ku li ser îradeya jinê tê meşandine. Bi taybet di aliyê ku jin dibe pêşenga şoreşan, HTŞ’ê jinê ji biçûktirîn mafê wê bê par dike. Ji lewra Projeya Netewa Demokratîk weke dijber û hêza tunekirina xwe dibînin. Ê li hember van zihniyetan divê em weke tevger, sazî û partiyên jin hebûna xwe zêdetir diyarker bikin, li hember wan şerê zihnî pêş bixin û bibin destek ji jinên Sûriyê.
Ji lewra hebûna van kampanyayan gelek girînge. Çalakiyên ku di van çarçoveyan de bêne lidarxistin wê girêng û bi encam bin”.
Her wiha li gorî bernameya ku hatiye eşkerekirin ev çalakiyên ku wê bêne lidarxistin:
Em ê rêzepanelên gelemperî li bajarê kantona Cezîrê bi sernavên “Malbata Demokratîk” “Rûbirûbûna bi Tundûtûjiyê re”, bi armanca çandina van têgehan di hişmendiya civakê de li dar bixin. Herwiha du forman li ser asta Bakur û Rojhilatê Sûriyê li her du kantonên Cezîrê û Reqayê li dar bixin. Di heman demê de rêzecivînên û panelên hevrêzîyê bi saziyên Rêveberiya Xweser re, bi hevkariya Koordînasiyona Jin di rêveberiyê de bidin lidarxisitn. Hem jî çend atolyeyên perwerdehî û amedekirinê çêbikin. Li hêleke din ji bo bîranîna şehîd Şîlan li bajarên Kobanê û Qamîşlo bi rêya şevbuhêrkên çand û hunerî yên ku li gorî meqam û têkoşîna wê li dar bixin.
