Ayşa Silêman/ Dêrik
Rêber Apo di perspektîf û analîzîn xwe de behsa girîngî û rêxistinkirina komînê dike û pêşkeşê civakê dike, lewra îro li Bakur û Rojhilatê Sûriyê di her komînekî de perwerde tên dayîn, niha jî li Bajarê Dêrikê komîna Şehîd Selah perwerdeya tenduristî ji bo rewşên awarte tên dayin
Meclisa Bajar biryar girtibû ku li seranserî komînan perwerde werin dayîn da ku gel hişiyar bibe, niha jî bi şêwazekî serkeftî dest bi perwedeyê kirine. Her komînek li gor daxwaziyên gel perwerde tên dayin. Komîna Şehîd Selah ji bo xweparastinê perwedeya tenduristî birin û bi awayekî serkeftî bidawî kirin.
Di derbarê çalakbûna gel bi komînan re Hevseroka Meclisa Bajarê Dêrikê Rojîn Çeto û Perpirsê Komîta Tenduristî di komîna Şehîd Selah de Ferhad Hesen ji rojnameya me re axivî.
‘Armanca Perwerdeyê pêşxistina civakê ye’
Hevseroka Meclisa Bajarê Dêrikê Rojîn Çeto da zanîn ku cihê şanazî û serbilindahiyê ye ku em dibînin gel bi şêwazekî çalak bi komînê xwe re dibin alîkar û wiha got: “Meclisa Bajar biryar girt ku wê li seranserî komîman hemû cûreyên perwerdeyan werin dayîn. Ev yek bi şêwazekî erênî derbas bû, hat dîtin ku çawa gel bi yek rihî bi me re bû alîkar. Rêber Apo jî tîne ziman ku komîn esasê civakê ne, lewma karê ku em di saziyan de didin meşandin pêwîste em di komînên xwe de jî bidin meşandin. Her komînek em li gor xwesteka wan diçin, komîna Şehîd Selah ya yekem bû ku me dest bi perwerdeya tenduristî kir, piştî bidawîbûna perwerdeyê li vir em ê berê xwe bidin komîna Şehîd Mezlûm. Armanca me ji van perwerdeya pêşxistin û hişyarkirina civakê ye.”
Gel komînê wek mala xwe dibîne
Perpirsê Komîta Tenduristî di komîna Şehîd Selah de Ferhad Hesen anî ziman ku pêwîstî hebû bi dayîna perwerdeya tenduristî û wiha got:” Armanca me ji vê perwerdê ew bû ku gel bikaribin xwe ji rewşên ewarte biparêzin û bi derdorê re jî bibin alîkar. Ev yek bi awayekî serkeftî derbas bû, 31 kes tevlî vê perwerdeyê bûn û ew bar girtin ser milê xwe ku çi di malbatê de çi jî di taxê de rewşên ewarte derkevin ew ê amade bin. Em gelek kêfxweş dibin dema gel berê xwe didin komînê û wê wek mala xwe dibînin. Em ê bi hemû şêwazî kar bikin da ku gel pêşbikeve û wê hertim rê li pêşiya perwerdeyan vekirî be.”
