Dîlan Mulhim\Qamişlo
Rêvebera nexweşxaneya Onkolojî, Şewat û Telasmiyayê Hediya Ebdela diyar kir ku Heyva Sor a Kurd bi dirûşmeya “Gaveke zû û jiyenke nû” ji destpêka meha Cotmehê ve dest bi kampaniya meha pembe kirî ye û got, “ Armanca me hişyarkirina jinan li ser nexweşiya penceşêra singê ye.”
Nexweşiya penceşêra singê ya herî belav bûye di nava jinan de, herwiha meha cotmehê wekî meha pembe tê zanîn. Di haman demê de, ev meh cara yekem di sala 1985’an de ji aliyê netewên yekbûyî ji bo hişyarkirina li ser nexweşiya penceşêra singê ya jinan hate hilbijartin. Di vê çarçoveyê de her sal Heyva Sor a Kurd bi kampaniya meha pembe radibe.
Heyva Sor a Kurd di destpêka meha Cotemehê de, bi dirûşmeya ”Gaveke zû û jiyaneke nû” dest bi kampaniya meha pembe kirî ye, herwiha wê ev kampaniya li ser asta Bakur û Rojhilatê Sûriyê were lidarxistin û heta dawiya meha cotmehê berdewam dike. Aramnca ji lidarxisttina vê kampaniyayê hişyarkirina jinan li ser nexweşiya penceşêr singê ye. Di derbarê mijarê de Rêvebera Nexweşxaneya Onkolojî, Şewat û Telasmiyayê Hediya Ebdela ji Rojnemya me re axivî.
‘Her sala Heyva Sor a Kurd bi kampaniya meha pembe radibe’
Hediya Ebdela da zanîn ku her sala Heyva Sor a Kurd bi kampaniya meha pembe radibe û wiha got: “Me îsal kampaniya meha pembe bi dirûşmeya “Gaveke zû û jiyaneke nû” di destpêka meha cotmehê de da destpêkirin û wê heta dawiya mehê berdewam dike. Di heman demê de, kampaniya wê li ser asta Bakur û Rojhilatê Sûriyê were lidarxistin. Armanca me ji vê kampaniyê hişyarkirina jinan li ser nexweşiya penceşêr singê ye.
Çalakiyên ku werin lidarxistin di nava kampaniyeyê de, di navabera me, desteya tenduristî û weqfa jin de ne. Wê semîner li komîn û navedan werin dayîn, herwiha wê ji aliyê kilînîkên gerok yên Heyva Sor a Kurd ve serdan ji bo kesên nexweş werin kirin. Di heman demê de, li bajarê Qamişlo semîner hate destpêkirin, lewma li bajarê Dêrik 15 Cotmehê wê semîner werin dayîn û wê di 20 mehê jî li Hesekê werin dayîn in.”
‘Em ê xelatan li kesên nexweş belav bikin’
Hediya Ebdela axaftina xwe wiha berdewam kir: “ Di nava vê kampaniya de, em xelatan li kesên nexweş û zarokan belav dikin. Da ku kêfxweşiyeke bikeve dilê kesên nexweş û bi taybet zarok. Xalên sereke yên ku em ser radiwestin ew jî belavkirina çanda zanebûna jin di aliyê tenduristî de, ku her dem di nava kontirolê de be.
Em weke heyva Sor a Kurd ji sala 2019‘an ve navendeke me ya bê dirav xizmeta nexweşanên pencşêra sengê dike. Di heman demê de, em her tim semîrenan ji bo kesên nexweş pêş kêş dikin. Lê me xwest ku kampaniyeke hevbeş dibin destpêkirin da hejimara nexweşiya penceşêra singê di nava civakê de kêm bibe.
Rêvebera nexweşxaneya Onkolojî, Şewat û Telasmiyayê Hediya Ebdela axaftina xwe wiha bi dawî kir: “Pêwîst e ku her meh jin serdana bijîşkên jin bike, ji ber ku nexweşiya penceşêra sengê di nava jinan de belav bûye. Herwiha ez bi hêvî me ku nexweşiya penceşêra singê bi riya kampaniya me di nava civakê de kêm bibe.”
