Solîn Mihemed/ Qamişlo
Kongra Star ji bo daxwaza azadiya fîzîkî ya Rêber Abdullah Ocalan li pêş navenda xwe ya li bajarê Qamişlo daxuyaniyeke devokî da.
Îro li bajarê Qamişlo, ji bo azadiya fîzîkî ya Rêber Abdullah Ocalan, Kongra Star bi amadebûna endam û rêveberên xwe, li pêş navenda xwe daxuyaniyek da.
Di destpêka daxuyaniyê de wiha hat gotin: “Kongra Star tevlî Kampaniyaya Ez dixwazim bi Rêbr Apo re hevdîtin bikim, bû. Ji bo vê kampaniyayê gelek rêzeçalakî li kantona Qamişlo hatin lidarxistin, piraniya wan di asta girseyî de hatin meşandin. Ji ber banga aştî û avakirina civaka demokratîk jî li kantona Qamişlo ji aliyê Kongra Star û jinên herêmê ve meşek hat lidarxistin. Herwiha panelên li ser rola Rêber Apo di aştî û avakirina civaka demokratîk û çareserkirina pirsgirêkên Rojhilata Navîn de hatin lidarxistin. Di heman demê de manefêstoya aştiyê hate xwendin û nerînên gel hatin girtin. Ji xwe îro ji ber wefedariya me bi Rêber Apo re û pêkanîna banga aştî û avakirina civaka demokratîk nameyên girseyî ji jinan hatin girtin. Name ji tevahî jinên herêmê yên di nava xebatên sazî, komîte, kesên serbixwe, kesên rewşenbîr bi hêviyeke mezin, bi dilekî gerim û bi awayekî fîzîkî bi Rêber Apo re hevdîtin û diyalog bikin ev name li ser vî esasî hatin nivîsandin û şandin.”
Daxuyanî wiha hat berdewamkirin: “Hejmara nameyên ku ji Rêber Apo re hatin şandin zêdetirî hezar û 575 nameyî ji jinan re hatin girtin. Ji xwe di nava van nameyan de hêviyên mezin di pêvajoyên nû de ku rêyên demokrasî, qanûnî li ber Rêber Apo werin vekirin, ji ber ku Rêber Apo di çareskirina pirsgirêkên Rojhilata Navîn de di misogerkirina aştiyê de û ji xelaskirina kirîzên ku em îro tê re derbas dibin rola xwe ya dîrokî carek din bi xurtî û çalak bilîze. Li ser vî esasî bi navê Kongra Star banga me ji her kesekî ku dilê wî ji bo azadiyê lêdide ku îro li ser piyan bê, ji ber ku rêyên demokrasî û qanûnî li ber Rêber Apo vebin da ku riya xwe bibîne.”
Daxuyanî wiha hat bidawîkirin: “Ji xwe ev daxuyaniya me li hemberî Komployên Navnetewî ya ku li dijî Rêber Apo hat meşandin, di şexsê Rêber Apo de ku di rêya vê komployê re xwestin îradeya gelê Kurd esîr bigirin, ji ber vê yekê jî em dibêjin kompiloya ku dikeve sala 27’ an de em şermezar dikin, herwiha em dibêjin ku daxwazên me diyarin heya dawiyê jî wê banga me azadiya fîzîkî ya Rêber Apo be, ji bo vê yekê em soz didin ku banga aştî û civaka demokratîk em wek jin vê çalakiyên ji bo azadiya fîzîkî ya Rêber Apo berdewam bikin.”
Daxuyaniyê de bi siloganên bê serok jiyan nabe bi dawî bû.
