Ayşa Silêman/ Dêrik
Kongira Star a bajarê Dêrikê ji bo daxwaza dîtina Rêber Apo bi dirûşmeya “Bê Serok Jiyan Nabe” dest bi kampanya nivîsandina nameyan kir.
Kongira Star a bajarê Dêrikê ji bo daxwaza dîtina Rêber Apo bi dirûşmeya “Bê Serok Jiyan Nabe” li parka Dicle dest bi kampanya nivîsandina nameyan kir. Hemû dezgeh û navendên Rêveberiya Xweser ên bajarê Dêrikê û gundewarên wê tevlî vê çalakiyê bûn.
Di destpêka çalakiyê de endama Kongira Star Rezên Mûsa di derbarê vê pêngavê de wiha got: “Me Kampanya nameyên dengê azadiyê dest pê kir, da ku em vî dengî bighînin girava Îmraliyê. Ev çalakî ji bo Zanyarê hemdem Rêber Apo ye, da ku nêzîktiîn dem de ew fîzîkî azad bibe û wî di nav xwe de bibînin. Ji ber ku pêşeng û bingehê civakê Rêber Apo ye, bi saya têkoşîna wî heya roja îro jin heye û wê tu carî jin xwe bêdeng neke ji bo azadiya Rêber Apo. Ji niha û heya ku Rêber Apo fîzîkî azad bibe wê jin li kolanan bin û çalakiyan li dar bixin. Wê niha her jinek li gor hezkirin û xwesteka xwe ji bo dîtina Rêber Apo, nameyekê binvîse û bighîne nav destê Kongira Star.”
Ev çalakî du seatan berdewam kir paşê ev name hemû ji hêla Rêveberiya Kongira Star a Dêrikê ve hatin komkirin da ku sibe berê xwe bidin bajarê Qamişlo û radestî Kongra Star a kantonê bikin.
