Solîn Mihemed/ Qamişlo
Kongra Star li ser rola Rêber Abdullah Ocalan di avakirina aştiyê û çareserkirina pirsgirêkên Rojhilata Navîn de li Navenda Çand û Hunerê ya Mihemed Şêxo ya li bajarê Qamişlo komxebatek li dar xist.
Îro, li bajarê Qamişlo Kongra Star li ser rola Rêber Apo di avakirina aştiyê û çareserkirina pirsgirêkên Rojhilata Navîn de re komxebatek li dar xist. Di komxebatê de tevahî rêxistinên jinan, partiyên siyasî û Kongra Star herwiha jinên pêkhateyên Kurd, Ereb û Suriyan hazir bûn.
Di destpêkê de bi xêrhatina hemû mêvanan ji aliyê Kongra Star ve hate kirin, piştre beşdarvan deqeyek rêzgirtin li ser giyanê şehîdan rawestiyan. Herwiha sinevizyonek li ser nirxandinên Rêber Apo yên di derbarê rola jinê de, hate pêşandan.
Piştire li ser navê Koodîrasyona Kongra Star Rîhan Loqo, li ser navê Desteya Aborî û Çandiniyê Semer Abdullah û li ser navê jinên Suriyan Sitêra Mûrad axaftin hate kirin û wiha hate gotin: “Dîroka Rojhilata Navîn dîrokeke ku em dikarin bibêjin bi hezarên salan bi dewlemendiyeke mezin hate avakirin. Herwiha ji dinyayê re Rojhilata Navîn bi dewlemendiya xwe, pir çandiniya xwe û pir zimaniya xwe tê naskirin. ji xwe Rojhilata Navîn di aloziyeke mezin de derbas dibe ji ber ku dewletên netewî li ser gelan û jinan mafekî rewa nehiştine, ji ber vê yekê em nikarin bêjin ku Rojhilata Navîn dîmokratîk e. Herwiha ji ber vê yekê Rêber Apo pêşengtiyeke mezin da destpêkirin.”
Komxebat bi nîqaşên li ser pirsgirêkên Rojhilata Navîn dewam kir.
