Hêvî Keleş/ Qamişlo
Insiyatîfa Gel a bajarê Qamişlo û Kombenda Efrîn a Civakî bi daxuyaniyekê êrişên hêzên hikumeta Sûriyê li ser Taxên Şêxmeqsûd û Eşrefiyê yên Helebê bi tundî şermezra kirin û gelên berxwedêr yên herdu taxan silav kirin.
Bi beşdarbûna xelkên bajarê Efrînê, Îro li bajarê Qamişlo Insiyatîfa Gel û Kombenda Efrîn a Civakî bi daxuyaniyekê êrişên hêzên hikumeta Sûriyê li ser herdu Taxên Şexmeqsûd û Eşrefiyê şermezar kirin.
Naveroka daxuyaniyê jî wiha bû:
“Em raya giştî ji xeteriya ji van êrişan û îhtîmala dubarebûna komkujiyên berava Sûriyê û Suwêdayê li bajarê Helebê hişyar dikin. Em Hikûmeta Demkî ya Sûriyayê ji van kiryaran û encamên wî bi tevahî berpirsyar dibînin.
Di demekê de ku behsa diyaloga neteweyî û demokrasîbûnê tê kirin, hin alî dixebitin da ku şerê navxweyî yê Sûriyeyê gur bikin, li ser hesabê ewlehî, aramî û yekîtiya Sûriyê.
Li ser bingeha berpirsyariya me wekî pêkhateyên Qamişlo, em bang li hêzên nevneteweyî, Neteweyên yekbûyî û rêxistinên mafê mirovan dikin ku zextê li ser rayedarên Şamê û hemû aliyên têkildar bikin da ku pabendî peymana 10’ê Adarê bibin û dilyalogê wekî yekane rêya çareserkirina nakokiyan qebûl bikin.
Em gelê Qamişlo, tekoşîn û berxwedana gelê xwe li Şêx Meqsûd û Eşrefiyê li hember êrişên hovane silav dikin.”
