Lîloz Hisên/Qamişlo
Di sêyemîn salvegera şehadeta têkoşera Kurd Nagîhan Akarse de, Navenda Jineolojî bi hevkariya Zanîngeha Rojava li parka Xwendinê a bajarê Qamişlo semînerek dan.
Bi sernavê “Bi zanebûna Jineolojî Jin Bilind dibe”, navenda Jineolojî bi hevkariya Zanîngeha Rojava ji bo bîranîna şehîd Nagîhan Akarsel semînerek li parka Xwendinê ya bajarê Qamişlo bi beşdarbûna jinên ji pêkhateyên cuda, da.
Semîner bi deqyeke rêzgirtin ji bo giyanê şehîdan dest pê kir, piştre senevîzyoneke li ser kurtejiyana şehîd Nagîhan Akarsel hate pêşandan.
Semîner ji hêla Rêveberiya navenda Jineolojî ya bajarê Qamişlo Leman Şêxo û Mamosteya beşa Jineolojî ya Zanîngeha Rojava Xunav Mihemed bi zimanê erebî û kurdî hate dayîn.
Di semînerê de bal hate kişandin li ser çawaniya pêkanîna zanebûnê herwiha zanebûn weke hêzeke azadkirinê hat nîşandan û wiha hate diyar kirin: “Zanîn hêza azadiyê ye dihêle ku guhertinan di nava mirovan de çêbike herwiha zanîn carnan dibe desthilatdariyek dema ku ji hêla dewlet û hikumetan ve tê bikaranîn ku dibe mîna amûrekî ji bo kontrolkirina gel û tevahî civakê.”
Di semînerê de weke pênase ji bo zanînê hate diyar kirin ku ew encama têkiliya hişê mirov bi rastiyê re ye, bi rêya serpêhatî, hezirkirin, lêkolîn û rexineyê.
Têkiliya Di Navbera Zanîn û Jîneolojiyê de hate şîrovekirin herwiha rola Jineolojî di bîranîna jinên ku ji aliyê zîhniyeta zilam(baviksalarî ) ve hatine dûrxistin da ku vegerîne.
Di dawiya semînerê de wêneyên jinên ku di zanistê bi nav û dengin hat nîşandan.
Di riya çend pirsan de jinên hazir weke girûp hatin rêxstinikirin da ku nêrînên xwe bînin ziman.
Di dawî de çalakiyeke hunerî û straneke ku ji hêla endamên Akadîmiya Jineolojî hatibûn amadekirina hate pêşandan.
