Dîlan Mulhim/Qamişlo
Yekîtiya Ragihandina Azad li bexçeyê xwendinê ya bajarê Qamişlo di salvgera 2’emîn a şehîd Seyîd Evran de bi bîr anî.
Yekîtiya Ragihandina Azad bi tevlîbûna Meclisa Malbatên Şehîdan a bajarê Qamişlo, endamên Ragihandina Azad a Bakur û Rojhilatê Sûriyê, hêzên leşkerî û partiyên siyasî û şagirtên Şehîd Seyîd Evran li bexçeyê xwendinê ya bajarê Qamişlo û li goristana Şehîd Delîl Saroxan 2’emîn salvegera Şehîd Seyîd Evran bi bîranîn. Herwiha di destpêkê de axaftin hatin kirin û sînevîzyonek li ser jiyana Şehîd Seyîd Evran ve hat kirin, di heman demê de beşê duyemîn jî muzîk hate pêşkêş kirin.
Di destpêkê de xuleyek bê deng li ser giyanê şehîdan hate rawestandin, piştre li ser navê Ragihandina Azad Bûnyat Cizîrî Salvegera duyemîn a Şehîd Seyîd Evran bibîr xist û got: “Di serî de em bejna xwe li hemberî Şehîd Evran û hemû şehîdên azadiyê ditewînin. Herwiha Şehîd Seyîd Evran di nava rewşa ku li bakur kurdistanê a xirab xebatên ragihandinê didan meşadin. Piştre tevlî Tevgera Azadiya bû. Heval Seyîd Evran hem şoreşger û hem jî rojnamevanekî mezin bû. Piştî şoreşa Rojavayê Kurdistanê, derbasî Rojava bû û hemû zanistiya xwe li Rojavayê Kurdistanê ji ciwanan re parvekir, di heman demê de em ê heta dawiyê li ser xeta Şehîd Seyîd Evran têkoşînê berdewam bikim.”
Di heman demê de, li ser jiyana şehîd Seyîd Evran silviyoneke hat dayîn, herwiha Rojnamevan Stêrik Gilo wiha axivî: “Şehîd Seyîd bû mûmayê Ragihandina azad, herwiha ji gelek nifşan re rêya heqîqet û rastiyê nîşan da, di heman demê de li her çar perçeyên Kurdistanê ked û xebateke bê hempa da meşandin. Hertim bi hêz û îradeyeke xurt karî dengê gelê kurd bighîne cîhanê, lewra pêwîste her kesê ku îro roj cihên xwe di nava ragihandina azad de digire li ser vê şopê bimeşe û armanca serkeftinê pêk bîne”
Li ser navê malbata Şehîd Seyîd Evran ve Sara Evran ve nameya Şehîd Seyîd Evran a dawî hate xwendin. Piştre
Fermandar YPJ’ê Nisrîn Ebdela wiha axivî: “Min Şehîd Seyîd Evran di sala 2004’ an de di nava qada ragihandinê de naskir, di wê demê de têkilyeke min a xurt bi wî re çêbû. Lê raste ku gelek mamosteyên min hebûn lê mamosteyê min Şehîd Seyîd Evran bû, herwiha beriya ku şehîd Seyîd Evran şehîd bikeve nemeyek ji bo min rêkir. Wê şehîd Seyîd Evran mamosteyê min be û ez ê li kêleka karê parastinê karê rojnemevantiyê berdewam bikim”.
Piştre hemû mêvan berê xwe dane goristnan Şehîd û mûm li ser gora Şehîd Seyîd Evran pêxistin, herwiha li goristanê hevserokê Mecilsa malbatên Şehîdan Mihyedîn Silêman û Şêwermendê Ragihandina Azad Bûnyat Cizîrî soza li ser şehîdan şehîdan nûkirin û gotin: “ Em ê hate dawiyê li ser şopa şehîdan berxwedanî û têkoşînê berdewam bikin.”
