Ayşa Silêman/ Dêrik
Şêniyên bajarê Dêrik, Girkê Legê, Til Koçer û Çilaxa, bi dirûşma ‘Em Ê Têkoşîna Xwe Bilind Bikin û Rêber Apo Fîzîkî Azad Bikin’ mitîngeke girseyî li bajarê Dêrikê lidar xistin û helwesta xwe ji cîhanê re nîşan dan.
Bi armanca nîşandana vîn û helwesta pêkhateyên herêmê, bi sedan şêniyên bajarê Dêrik, Girkê legê, Til koçer û Çilaxa bi dirûşma ‘Em Ê Têkoşîna Xwe Bilind Bikin Rêber Apo Fîzîkî Azad Bikin’ li bajarê Dêrikê mitîngeke girseyî lidar xistin û di mitîngê de gel helwesta xwe ji cîhanê re nîşan da.
Di destpêka mitîngê de xuleke bêdeng li ser giyanê şehîdan hat rawestandin, paşê Hevseroka Partiya Yekîtiya Demokrat PYD’ê Perwîn Yûsiv axivî û wiha got: “Şoreşa me şoreşa azadî, mirovahî, exlaq û pêkhateyan e, bi keda bi hezaran şehîd û bedêlên giran hatiye avakirin, bi felsefe, pirojeyeke rast û hêviyeke mezin ev şoreş roj bi roj mezin bû. Îro dema ku li Sûriyê guhertin û veguhertinên mezin çêdibin bi taybet rûxandina rêjîma Bass û hatina HTŞ’ê êdî em derbasî qonx û tekoşîneke nû dibin. Destpêkê mafê me, hebûna gelê me û biratiya Netwan a ku me baweriya xwe pê anî pêwîst e were pêkanîn. Bi fikir û felsefeya Rêber Apo yê ku di destpêkê de perespektîfek da me, ji gelên Kurd û hemû pêkhateyan re got ku pêwîst e hûn xeta sêyemîn bigrin esas. Ev 13 sal in ku em di Şoreşê re derbas dibin û me destkftiyên giran buha bi dest xistin, ev destkeftî bi hêza QSD‘ê û bi fikir û felsefeya rast hatiye qezenckirin. Niha dem hatiye ku hemû netew bi yek destî jiyan bikin nema kes dikare me bixapîne û lîstokan li ser me bimeşînin.”
Her wiha li ser navê Rêveberiya Xweser a Demokratîk a Bakur û Rojhilatê Sûriyê Kinan Berekat axivî û wiha got: “Bê goman em di qonaxeke dîrokî de dijîn li Bakur û Rojhilatê Sûriyê, ev qonax pêwîstiya wê bi demokrasî û sîstemeke nû ji siyasetê re heye. Rêber Apo tekez kir ku Aşitî û Civaka Demokratîk riya bingehîn a demokratîbûna Rojhilata Navîn e. Lê mixabin dewletên desthilatdar hîn qirkirin û binpêkirinên xwe berdewam dikin û mînaka ber biçav tecrîda li ser Rêber Apo hîn berdewame. Rêber Apo gavek ber bi pêş de avêt û bang bi pêngaveke nû kir, lê mixabin heya niha ji bo wî tu gav nehatine avêtin. Yê ku hiştiya heya roja îro netew bi hev ve girêdayî bin firkir û felsefeya Rêber Apo ye û yên ku ev ax ji çeteyan parast hêzên QSD’ê bûn. Lewma em ê her tim li pişta hêza xwe bin û pirojeya Netewa Demokratîk bernadin.”
Mitîng bi siloganên ” Bijî berxwedana Netewan, Bê Serok jiyan nabe” bi dawî bû.
