Hemza Sêvo/ Qamişlo
Li herêma Bakur û Rojhilatê Sûriyê bi dehan cihên dîrokî ku dîroka wan vedigere hezarên salan, hene. Her cihek xwedî şarestanî, nirx, çand û dîrokeke. Ji van cihên şûnwariyê; Qesr Elbenat û Sûra Reqayê.
Qesr Elbenat an jî Koşka Keçan herwiha bi navê Koşka Ebasiyan jî tê nasîn, li ser bermahiyên bajarokê Rafîqa ya ku niha beşekî bajarê Reqayê hat avakirin ku li ser beşa bilind a Çemê Feratê ye. Piştî çaksazkirina tevahiya beşên wê, ji nû ve hûrgiliyên wê bi hûrbînî diyar bûn. Koşka Elbenat yek ji Koşkên Ebasî yên ku avakirina wan vedigere serdemên destpêkê yên ebasiyan e û li aliyê başûr-rojhilatê Reqayê dikeve.
Sûra Reqayê
Dîroka vê sûrê vedigere serdema Ebasî ya yekem (nîvê sedsala duyem a koçî / heştemîn a zayînê). Ji kelpîçan û cepsînê hatiye avakirin. Dirêjahiya wê digihêje nêzî 5 km’yan e. Dirêjahiya wê ya niha 3 kîlomitre û nîv e, pehnahiya wê 6 metreyan e û ji aliyê jorîn ve nêzî 5.90 metreyî ye, lê tevî cudahiya di bilindahiya wê ve, bilindahiya wê bi giştî ji 9 heta 13 metreyan e. Herwiha gelek caran hatiye çaksazkirin a herî dawî jî di sala 2010’an de bû ku tê de dîwarên ku ji kelpîçan hatibûn çêkirin hatin vekirin û kelpîçên ji ber şiliyê xerab bibûn, bi kelpîçine nû hatin guhertin û bingehên wê hatin xurtkirin. Di heman demê de naverûyê wê ji kelpîçên pijiyayî hatibû çêkirin û bi heman pîvanên yên kevin yên Ebasî ku 7 bi 15 cm(santî metreyan) bi 27 cm santî metreyan bû.
