Farûk Sakik
Piştî êrişên Îsraîl yên li dijî Hamasê, şer ji nû de ket rojeva Tirkiyê. Rayedarên Îsraîl daxuyanî li ser hev didan û digotin; heger kî ji Hamasê re malovanî bike, wê hedefa me de bin û aqûbeta Yemen û Qatarê bijîn. Ev daxuyanî û gef herî zêde ji bo Tirkiyê hat nirxandin.
Agahiyên di mitfeqa AKP’ê de dihatin pêjandin, di kanalên televizyonên AKP’ê de dihatin servîs kirin.
Dema behsa şerê Îsraîlê kirin, wan jî peznê mezinbûna Tirkiyê kirin. Dîsa darikek dabûn destê hin akademisyen, rojnamevan û generalên teqawitkirî, wan didan axaftin.
Ew generalên mezin, qet şerm nedikirin ku di şerê dijminatiya Kurdan de, bi serneketine, darbe xarine û ji heremê vekişandine û piştî demek jî ew teqawit kirine.
Derveyê ragihandina AKP’ê, hin kesên maqûl tevdigerin jî bal dikişandin ser vê senaryoya şerê ku nêz dibû. Van kesan bi giranî dixwazin Tirkiyê ji şerê Îsraîlê dûr bixin.
Lê ev şerê ku nêzik dibe Bahçelî salek berê dîtibû. Dema ku li parlementoya Tirkiyê bangî Rêber Apo dikir, di hemna demê de îtiraf kir ku şerê Îsraîl nêzik dibe.
Başe ku ev şerê ku hûn îhtîmal didin destpêbike, hûn ji Kurdan- ji Rêber Apo çi alîkarî dixwazin? We digot ku aştiyek mayinde were vê axê, demokrasi yê pêşbikeve.
We tiştek din dixwest. Şerê bi Kurdan re bi dawî bibe wê 2 eniyên şer dernekevin pêş Tirkiyê. Rêber Apo bang kir Kurdan şer da seknandin.
Lê dema ku di mitfeqa AKP’ê de siyaset dihat pêjandin malzeme-agahî-stratejiyên şaş dihatin tevlîhevkirin. Ji bo vê jî encam nedihatin girtin.
Li gorî van seneryoyên şaş, hin derew jî afirandibûn. Seneryoyên cûda belav dikirin. Digotin Îsraîl wê li Sûrî Kurdistanek avabike û wê ji vê heremê berbi welatê me êrîşan bidin destpêkirin.
Dema ku ev bi kesî nedan îknakirin, nedan bawerkirin, vegeriyan siyasetek cûda xistin rojeva xwe. Dixwaze li herêma rêveberiya xweser aloziyan çêbike. Dixwaze êl û eşîrên Ereb li dijî sîtemê li dijî QSDê sor bike.
Dixwaze ku Kurdên vê heremê werin qetil kirin. Hemû stratejiya xwe ya vê serdemê li ser vê yekê înşa kirine. Başe dema li ser daxwaza we HTŞ êrîşî Kurdan bike, hûnê bi Kurdên li Tirkiyê re çawa biratiya hezar salan a we binav dikir, ji nû de avabikin?
Yeka dina, li vêderê ne bitenê Kurd di hedefê dane. Gelên wek Ereb, Sûryanî û Ermen jî têne tehdît kirin.
Kurd her dem bi Şamê re ji bo muzekere û diyalogê amadne. Hewldanên wan henin. Desteyên ku têne amadekirin, li ber deriyê Şamê têne vegerandin.
Rejima li Şamê jî vê yekê naxwaze. Lê îstixbarat û dîplomasiya Tirk a li Şamê bicîh bûye li ser Colanî hukim dike.
Di demek waha de di navbera hêzên koalisyonê rejima Şamê de jî pirsgirêk çêdibin. Ev hêz naxwazin li Sûrî kaos çêbibe. Derfet û îmkanên mezin dane iktidara Colanê ya demî. Ji bo Sûriyê hin sererastgirin çêbibin wext dane.
Di demek waha de gelo çima Tirkiye di kaosa Sûrî de israr dike. Dixwaze kos çêbibe û ew jî tehdîta sînorê xwe sedem nîşan bide û bikeve Sûriyê.
Sala 2015’an de dema bi DAÎŞ’ê kaos li Sûrî hebû, Tirkiye li benda encamp sekinî. Dema ku DAÎŞ hat berterafkirin, Tirkiye dest bi midexleya nav Sûrî kir. Hin herem dagir kir, çeteyên wek HTŞ ji bo rojek îro xwedî kir. Îroj ji HTŞ bedela xwedîderketina xwe dixwaze. HTŞ ji bo vê yekê di tengasiyê deye.
