Lîloz Hisên/Qamişlo
Bi boneya Roja Aştiyê ya Cîhanê û bi daxwaza azadiya fîzîkî ya Rêber Abdullah Ocalan li Qamişlo meşeke girseyî li ser asta kantona Cizîrê hate lidarxistin.
Bi sedan ji şêniyên kantona Cizîrê bi boneya Roja Aştiyê ya Cîhanî û daxwaza azadiya fîzkî ya Rêber Apo berê xwe dan çerxerêya Osman Sebirî da ku tevlî meşê bibin. Meş li qada şehîd Rûbar veguhîrî mêtîngê.
Di meşê de pankartên li ser nivîsên “Kilîta aştî azadî ye, kilîta azadî jî Rêber Apo ye”, “Em azadiya Rêber Apo dixwazin”, Rojek bi jiyana azad re diyalok” hatin hildan herwiha bi durûşmeyên bê serok jiyan nabe, azadî ji bo Rêberê Netewî hate qîrkirin.
Piştî meş gihaşt qada Şehîd Rûbar deqeyeke rêzgirtin ji bo giyanê şehîdan sekinîn, piştre nameya Rêber Apo ji bo Roja Aştiyê ya Cîhanî bi zimanê kurdî Bêrîvan Omer û bi zimanê erebî Darşîn Xelîl xwendin.
Piştre bi navê Partiya Yekîtiya Demokrat Telet Yûnis axivî û diyar kir ku di vê
qûnaxa hesas de Rêber Apo pêvajoya Aştiyê destpê kir û misogeriya pêkanîna wê jî Azadiya Fîzîkî ya Rêber Apo ye û wiha got: “Bêyî azadiya Rêber Apo wê tu pêvajoyên ku derkevin pêş lawaz bimînin. Em dengê xwe bilind dikin ku ew ê têkoşîna me zêdetir bibe heta pêkanîna azadiya Rêber Apo. Rêber Apo bi salan ji bo pêkanîna demokrasî, azadî û wekheviyê berxwedaniyeke mezin dike. Ji bo avakirina Sûriyeke demokrat û bidawîkirina êriş û şer têkoşîna me ya ku bi felsefeya Netewa Denokratîk û bi yekîtiya gelan berdewam be.”
Bi navê Kongra Star jî Şaha Xelîl Axivî û
wiha anî ziman: “Rêber Apo ev ne cara yekê ye ku banga aştiyê dike, lê dewleta Tirk vê yekê qebûl nake û hincetan dike, Rêber Apo ji bo çareseriya pirsgirêkên Rojhilata Navîn xebatan dike, lê mixabin heya niha ew di zindanê de ye. Em bang li dewleta Tirk dikin ku ji bo ev pênvag biserkeftî bibe pêwstî bi azadiya Rêber Apo heye.”
Meş bi olandina sloganên bè serok jiyan nabe bi dawî bû.
