Stêrk Mihemed/Qamişlo
Rêveberê TEV-DEM’ê li Amûdê Nasir Deqorî diyar kir ku ji bo derxistina şerekî navxweyî di navbera pêkhateyên herêmê de, dewlata Tirk û çeteyên wê bi her awayî planan didin meşandin.
Dewleta Tirk û çeteyên wê bi her awayî êrîş dikin, ji bo ku aramî û biratiya di nava gel, pêkhate û eşîran li Bakur û Rojhilatê Sûriyê de xerab bikin, ji ber vê yekê jî şerê taybet, derûnî û çekdarî dimeşînin. Dewleta Tirk û çeteyên wê, hertim hewil didin ku eşîrên li Bakur û Rojhilatê Sûriyê li dijî Rêveberiya Xweser û QSD’ê rabikin. Armanca wan derxistina pirsgirêkan li van herêman e.
Di vê çarçoveyê de rêveberê TEV-DEM’ê li Amûdê Nasir Deqorî ji Rojnameya me re axivî.
‘Xerabkirina biratiyê bi rêya şerê taybet û derûnî’
Nasir destnîşan kir ku dewleta Tirk û çeteyên wê dixwazin bi rêya şerê taybet belavbûnê di nava civakê de çêbikin û wiha pê de çû: “Bi rêya şerê taybet û derûnî dewleta Tirk û çeteyên wê, dixwazin parçebûnê di nava pêkhate û eşîrên li Bakur û Rojhilatê Sûriyê de çêbikin. Armanca dewleta Tirk û çeteyên wê xerabkirina aramî û biratiya gelan e. Helwesta dewleta Tirk a dagirker reşkirina Rêveberiya Xweser û QSD’ê di nava pêkhate û eşîran de ye. Çeteyên dewleta Tirk bi rêya medya dijîtal dixwazin parçebûnê di nava gelên Bakur û Rojhilatê Sûriyê de çêbikin, ji bo ku tevilhevî û pirsgirêkan di nava herêman de derbixin ji bo lîstokên xwe yên qirêj di nava civakê de bimeşînin.”
‘Hevgirtina gelên Sûriyê çareseriye’
Deqorî da zanîn ku yekbûna pêkhateyan û eşîran çareseriya kirîza Sûriyê ye û wiha domand: “Li hemberî parçekirina Sûriyê, hevgirtina gel, pêkhate, eşîre û qebîleyan pêwîst e. Yekbûna gelên Sûriyê rêya çareseriya tevahî pirsgirêkan e. Kombûna tevahî pêkhateyan û eşîrên Sûriyê lidarxistina civîn û raghandina helwestan û diyarkirina yakbûnê, çareserî ye. Herwiha di 8’ Tebaxê de li bajarê Hesekê konferansa yekhelwesta pêkhateyên Sûriyê hat lidarxistin, ev konferans gavek baş bû, tevahî pêkhateyên Sûriyê û rûsipên eşîran amadebûn û helwesta xwe ya yekbûna Sûriyê nîşan dan. Sûriyê bi parçebûn, rijandian xwînê û navenîbûnê çareser nabe, yakgirtina gelan, yakhelwest û nenavendibûn çareseriye.”
‘Berjewendiya Sûriyê parastina pêkhateyan ne’
Rêveberê TEV-DEM’ê li Amûdê Nasir Deqorî axaftina xwe wiha bi dawî kir: “Ji bo pêşerojeke baş ji Sûriyê re, divê kar, xebat û danûstendin ji bo rewşa Sûriyê were kirin, da ku parastin mafê hemû pêkhate û êşîran were kirin. Ji berjewendiya Sûriyê ye ku parstina pêkhateyan û eşîran bike ye. Herwih girînge ku her demekê konfernas li ser asta Sûriyê bê lidarxistin ku tevahî gel, pêkhate û eşîrên Sûriyê cihê xwe tê de bigirin. Ya herî girîng ku Rêveberiya Xweser cihê xwe di serkêşiyê de bigire. Herwiha rewşa xizmetguzarî û aborî bêne çareserkirin û derfetek jiyanê ji gelên Sûriyê re were peydakirin.”
