Ronahî Sadûn/Qamişlo
Şêniyên bajarê Qamişlo bi merasîmekî girseyî şehîd Argêş Serhed li goristana şehîd Delîl Saroxan sipartin axê.
Îro welatiyên bajarê Qamişlo, sazî, tevger, desgehên Rêveberiya Xweser û rêxistinên jin bi merasîmekî girseyî li goristana şehîd Delîl Saroxan a bajêr şehîd Argêş Serhed sipartin axê.
Argeş Serhed di sala 2019’an de li Herêmên Parastinê yên Medyayê li Metînayê dema ku bi erk û wezîfeya xwe radibû di êrişa dewleta Tirk a dagirker de bi giranî birîndar bibû. Ji bo dermankirinê derbasî Rojavayê Kurdistanê bû û li vê derê dema ku dihate dermankirin di 10’ê Tebaxa 2025’an de şehîd bû. Şehîd Argêş 11 salan bi rengekî çalak, bêyî tawîzê bide têkoşiya heya roja şehatê.
Merasîm bi deqeyekê rêzgirtin li ser giyanê şehîdan dest pê kir. Piştre li ser navê Meclisa Malbatê Şehîdan Şêro Şero
hemû şehîdên azadiyê bibîr xist û wiha got: “Em şehadeta Argêş Serhed li hevalên wî yên gazî, ragihandinê, Rêber Apo û malbata wî pîroz dikin. Hevalên me yên ku di şer de bûne şehîdên zindî (Gazî) bûne xwediyên vê dîrokê. Gelê Kurdî îro ne bi tenê ye, lê xwediyê bi hezarê şehîda ye. Ev şehîd jî nirxên me yên pîrozin û em ê her tim li pey şopa wan bin.”
Li ser navê Gaziyên Şer Laleş Êzîdî axivî û wiha got: “Heval Argêş ji malbatekî
welatparêz, xwedî şehîd û nirxên şoreşê, girêdana xwe bi fikira azadiyê û bi Rêber Apo re tu carî berneda. Heval Argêş li ser şopa şehîdên azadiyê meşiya û soza xwe da ku bi rêbertiya azad re têkoşîna xwe bidomîne. Ji bo di Kurdistaneke azad bi gelekî azad re û rêberê azad re jiyan bike. Heval Argêş di sala 2019’an de ji hêla dijminê ku hemû textê mirovahiyê hilweşandiye ku yek rê û armanc bi xwe girtiye ew jî tunekirina îradeya gelê Kurd, tunekirina fikir û felsefeya Rêber Apo, hate armancgirtin û bi giranî birîndar bû û derbasî Rojavayê Kurdistanê bû. Ji bo ew heval bê tedawîkirin derbasî Saziya Geziyên Bakur û Rojhilatê Sûriyê bû û di di 10’ê Tebaxa 2025’an de şehîd bû.
Şêwermendê Yekîtiya Ragihandina Azad Binyat Cizîrî wiha got: “Heval Argêş di
aliyê xwendinê de gelekî zîrek bû, zanîngeh a teknîk xwend zanîngeha Rojhilata Navîn ew dikarîbû wek her ciwanekî ku li Bakurê Kurdistanê dijî bikra, lê ji bo ziman, hebû, çand û rêberê xwe rêya azadiyê hilbijat. Di zanîngehê de di nava hevalê xwe de behsa çiyayê azad û jiyana Gerîla dikir û ew tevlî xebata azadiyê bû, xebatê xwe di gelek cihan li Bakurê Kurdistanê di nava ciwanan de kir, hem jî bû sedemê ku gelek ciwan berê xwe bidin çiyayê Kurdistanê. Ew jî bi ruhê 14’ê Tîrmehê di sala 2010’an de derbasî Çiyayê Kurdistanê bû, li wir jî xebatekî binirx ê ragihandinê da meşandin. Em jî wek Yekîtiya Ragihandina Azad û hevalên wî soz dikin ku xewin û xeyalên wî pêk bînin.”
Li ser navê Kongra Îslama Demokrat şêx Imar El-Qadirî wiha axivî: “Em di rêya
rastiyê de dimeşin, ji bo wê em ê ku li vê dinyayê û li dinyaya din biser bikevin, ji ber em xwediyê heqiyê ne.”
Di dawiya merasîmê de wesîqeya şehadetê hat xwendin û radestî rojnamevanên
Ragihandina Azad rojnamevan Esma Mistefa û Rêwan Gênco hate kirin. Şehîd bi tilîliyên dayikan û siloganên “Şehîd Namirin” hat oxirkirin.
