Dîlan Mulhim\Qamişlo
Însiyatîfa Azadiya Rêber Abdullah Ocalan a Sûrî û Înisyatîfa Sûrî ji bo Parastina Azadiya Rêber Abdullah Ocelan bi daxuyaniyekê hevgitin û piştgitiya kampaniya “Ez dixwazin bi Rêber Adullah Ocelan re hevdîtin bikim” ragihandin.
Însiyatîfa azadiya Rêber Abdullah Ocelan ya Sûrî û Înisyatîfa Sûrî ji bo Parastina Azadiya Rêber Abdullah Ocelan li bajarê Qamişlo, li pêşiya avahiya însiyaîfa Sûrî ji bo Azadiya Rêber Abdullah Ocelan daxuyaniyek nivîskî ji bo hevgitin û piştgirtiya xwe ji kampaniya “Ez dixwazin bi Rêber Apo re hevdîtin bikim” dan. Ev daxuyanî bi armanca tevlîbûna kampaniya bi dûrişmeya Ez dixwazim bi Rêber Apo hevdîtin bikim e. Herwiha daxuyanî ji aliyê endama Înisyatîfa Sûrî ji bo Parastina Azadiya Rêber Abdullah Ocelan Rofîd Xelef ve hate xwendin. Di heman demê de, endamên her du saziyan tevlî daxuyaniyê bûn.
Naveroka daxuyaniyê wiha bû.
Di destpêka daxuyaniyê de wiha hate gotin: “ Din bin dirûşmeya“ Ez dixwazim bi Rêber Abdullah Ocelan re hevdîtin bikim” di 5’ê Pûşperê de, kampaniya cîhanî hate destpêkirin. Da ku dewleta Tirk bi zûtirîn dem rê li pêşiya hevdîtinên bi Rêber Apo re veke. Em jî bi navê Îro însiyatîfa Sûrî ji bo Azadiya Rêber Abdullah Ocelan û Înisyatîfa Sûrî ji bo Parastina Azadiya Rêber Abdullah Ocelan, îro hevgirtin û piştgirtiya xwe ji bo vê kampaniyayê didin ragihandin. Dibêjin ku emê bi komek bijarte ya rewşenbîr, nivîskar, siyastmedar, çalakvanên mafê mirovan serokên eşîran û kesyatên olî yên sûriyê re, heta ku kampaniya bigihêje armanca xwe xebata xwe bênavber bidomin.”
“Azadiya Rêber Apo azadiya mirovhiyê ye”
Di berdewamiya daxuyaniyê de wiha hate gotin:“ Hevdîtin bi Rêber Abdullah Ocelan re mijareke pir girîng e, ji ber ku ew di pêşvebirina jiyana hevbeş û xurtkirina nirxên aşîtî û demokrasiyê de li herêma me stûnekî bingehîn e. Azdiya fîzîkî ya Rêber Apo ne tenê daxwazeke namaze û exlaqî ye, azadiya Rêber Apo azadiya mirovahiyê ye. Lê di heman demê de pêdiviyeke dîrokî ye ji bo dîtina çareseriyên radîkar ji bo krîzên dijwar ên ku herêma me û cîhanê pê re û rû bi rû ne, nemaze di alioziyên ku her diçin zêde dibin. Da ku wekî nîşanên şerê cîhanê yê sêyemîn tenê binavkirin. Rêber Abdullah Ocelan bi rêya sîstema xwe ya fikrî û siyasî, îspat kiriye ku ew xwediyê nêrîneke felsefî û mirovî ya bêhempa ye. Ya ku li ser bingeha azadî, demokrasî û wekheviyê tê avakirin. Bi ezmûn, têkoşîn û îsrar xwe, ew dikare kirîza ji mentiqê tundûtûjiyê veguherîne rêya maf, siyaseta exlaqî û danpstandinê û aştiyeke domdar ji bo gelan misoger bike.”
Daxuyanî wiha bi dawî bû:“ Em dixwaza xwe ya rastekîn a hevdîtinê bi Rêber Abdullah Ocelan re tekez dikin. Em cardin tekez dikin ku ev hevdîtin îradeya elîtên Sûriyê nîşan dide, di nav de akademîsyen, çalakvan mafên mirovanm siyasetmedar, rewşenbîr, serokên eşîr û qelbîleyan û kesayetên olî. Ev hevdîtin her wiha girîngiya herî mezin a bicîhanîna qanûna navnetewî û prensîba danûstandinê ye. Ew ku jî wekî deriyekî ji bo çareserkirina pirsgirêka kurd, ku mifteyeke bingehîn ji bo çareserkirina gelek pirsgirêkan û xurtkirina rêya demokarsiya li Rojhilata Navîn e . Li ser bingehê, em bang li raya giştî dikin ku bi aweyekî lezgîn û bi baldarî bixebitin. Da ku azadiya fîzîk ya fîlozofê demê Rêber Apo li gorî nirxê edalet, rûmet mirovan û aşîtiyê bi dest bixin.”
