Stêrk Mihememd/Qamişlo
Rêveberiya Nevenda Geşepêdana Ciwanan ya Qamişlo Henan Mûrad diyar kir ku di sala 2017’an de Navenda Geşepêdanên ciwanan hate avakirin û wiha got: “Armanca me ji avakirina vê navendê ku em ciwanan perwerde bikin, derfetê kar û pêşerojeke baş ji ciwanan re peyda bikin.”
Navenda Geşepêdanên Ciwanan di 2017’an de hatiye avakirin, di vê navendê de perwerde ji bo ciwanan tên dayîn. Navenda Geşepêdanên Ciwanan ji bo tevahî ciwanan weke derfetek ji bo xwe pêşxistinê ye, ji ber ku gelek ciwan di nava civakê de ji kar û xwendinê dûrketine, ji bo vê yekê, ev ji bo wan derfetek e. Gelek perwerdeyan ji bo ciwanan tê dayîn, herwiha gelek beş hene ku ciwan xwe tê de tomar bikin û bi dawîbûna perwerdeyê re kesên serkeftî bawername li wan tê belav kirin.
Di vê çarçoveyê de Rêveberiya Nevenda Geşepêdana Ciwanan ya Qamişlo Henan Mûrad ji Rojnameya me re axivî.
‘perwerdeyên cûr be cûr ji ciwanan re tên dayîn’
Henen destnîşan kir ku ji bo ciwanan gelek perwerde tên dayîn û wiha got: “Di nava civaka me de ciwanên ku derfetê Kar û xwendinê bi wan re nînin gelekin, ji ber vê yekê jî em perwerdê didin wan, perwerdeyên me gelek beşan digrin nava xwe û bi rengekî serkeftî têne meşandin, Kimbiyoter, Berberî, Kiwafêra, Ragihandin, dirûtin, zimanê Ingilîzî û Lênerîna Telefûnan e. Perwerde du mehan dirêj dike. Herwiha di nava van perwerdeyan de perwerdeyên bîrdozî ji bo ciwanan tên dayîn mîna; li dijî madeyên hişbir, şerê taybet û zewaca bi temenê biçûk tên dayîn. Kesên ku beşdarî perwerdeyê dibin, ji temenê 14 salî heya 35 salî ne. Ev perwerde li sê navendan tê dayîn, Til koçer, Qamişlo û Hesekê.”
‘Armanca me pêşxistina behreyên ciwana ye’
Henan Mûrad diyar kir ku armanca me ji vê perwerdeyê pêşxistina behreyê ciwanan e û wiha domand: “Armanca me ji van perwerdeyan pêşxistina asta hizrînê li cem ciwanan e”. Di pêşxistina civakê de rola ciwanan girîng e, ji ber vê yekê armanca me ew e, ku ciwan di asta pêşengtiyê de cihê xwe bigrin. Dijmin dema ku êrîş li ser civakekî an jî herêmekê dike, di destpêkê de êrşî ciwanan dike, ji ber ku baş dizane ciwan dînemîka ku civakê bi rê ve dibe ye. Bi van perwerdeyên ku ji bona ciwanan têne dayîn, ancax ciwan bi vê yekê karibin li hemberî şerê taybet û yê derûnî têkoşînê bikin û xwe ji bandora wê rizgar bikin.
Pêşeroj û zehmetî
Rêveberiya Nevenda Geşepêdana Ciwanan ya Qamişlo Henan Mûrad axaftina xwe wiha qedand: “Di pêşerojê de di plana me de wê vebikin beşên nû mîna; beşa mûzîk, wênexêzî û tenduristî jî hebe. Em dixwazin hin beşên din jî di dema pêş de vekin û ji bona vê yekê emê her tim di nava hewildanêdebin.
