Lîloz Hisên/Qamişlo
Meryem Osman destnîşan kir ku her berhemek bi destan tê çêkirin, bi îradeyeke mezin tê temamkirin û wiha got: “Projeya me ji bo taşwîqkirina jinên ciwan e da ku ji şêwazê jiyana kevneşopî derkevin û di her warekî ku jê hez dikin, xwe pêş bixin.”
Di 10 salên dawî de jin li herêma Bakur û Rojhilatê Sûriyê karîbû rola xwe di civakê de vgerîne, ji çarçoveya rolên kevneşopî derxist û hebûna xwe di hemû warên jiyanê de îsbat kir, di nav de karên destan ku di dema heyî de bûye qadeke afrîner û serxwebûnê. Karên Destan veghurî wesîleyeke ji bo îfadekirina nasnameya çandî û kesayetî, ev jî weke berhemek ji berhemên şoreşê bû.
Meryem Osman jineke 37 salî ji bajarê Qamişlo ye, ji zaroktiya xwe ve ji karê destan hez dikir û ev hezkirin pê re mezin bûye heta ku ew gihaşt projeyeke ji bo piştgiriya jinan. Ew ji peymangeha karê destan a Şamê derçû ye, piştre vedgere bajarê xwe ji bo jêhatiya xwe berdewam bike, lê hin sedem li pêşiya wê derketin hişt ku dûrî jêhatiya xwe bikeve, lê piştî 10 salan ji nû ve li karê xwe vegeriya.
Proje veghurî cihekî piştgiriya jinên ciwan
Mereym Osman dibêje ku hevala wê piştgiriya wê kir da ku li karê xwe vegere û wiha got: “Bi piştgiriya hevaleke min, me bi hev re projeyek taybet li bajarê Qamişlo da destpêkirin. Ji malê me destpê kir weke neqişan û morîkan, piştre veghurî dikaneke ji bo frotina berhemên xwe. Herwiha em piştgiriyê didin jinên ciwan ku berhemên xwe yên destan bînin dikana me da ku em ji wan re pêkêş bikin.”
Meryem Osman destnîşan kir ku armanca wan ne ne tenê ji bo frotinê ye, lê belê weke ciheke ji bo taşwîqkirna jinan ku ji şêwazê jiyana kevneşopî derkevin û di her warekî jê hez dikin de xwe pêşbixin.
Zehemtiyên li hember projeya wan derdikevin
Meryem Osman diyar kir ku ji zehmetiyên ku tên pêşiya wan, kêmaniya madeyên çêkirina karê destan e û wiha anî ziman: “Em neçar dimînin ku ji dervî Qamişlo bînin weke Başûrê Kurdistanê û Îranê, lê tevî van pirsgirêkan her berhemek bi îradeyeke mezin tê çêkirin.”
Meryem Osman bawer dike ku di her berhemeke ku bi destan tê çêkirin giyaneke tê de heye û her hunermendek parçeyeke ji kesayeta ji xwe dixe nav de.
