Kampanya “Ez dixwazin bi Abdullah Ocalan re hevdîtinê bikim’ didome. Di çarçoveya kampanyayê de 100 nivîskar û rewşenbirên Ereb serî li kampanyayê dan
Desteyek ku ji 100 nivîskar, bîrmend û akademîsyenên Ereb pêktên, beşdarî kampanyaya ‘Dixwazim li gel Abdullah Ocalan hevdîtin bikim’ bûn. Piştevaniya xwe ji bo Pêngava Dîrokî ya 27ê Sibata 2025an dubarekirin û daxwaz ji dewleta Tirk kirin ku rêgirî li hevdîtina li gel Rêber Apo neke. Nivîskar, bîrmend û akademîsyenên Ereb ku desteyek ji bo piştgiriya pêngav û kampanyaya ji bo dîtina Rêber Apo hatî destpêkirin avakirine, daxuyaniyek belav kirin.
Daxuyanî wihaye:
“Em îradeya rastîn a Birêz Abdullah Ocalan ku di 27ê Sibata 2025an de di bangewaziyek bi sernavê ‘Banga Aştî û Civaka Demokratîk’ de belavkiriye, wekî mantiqek rewşenbîrî û prensîba avakirina bingehek aştiyane ya cîhanî dibînin. Ew dikare Rojhilata Navîn ji şer, wêranî û ramanên tundrew biparêze.
Di heman demê de, peyam bêyî ku derfetekê bide partî an îdeolojiyek taybet ku serdest bibe, rêbazek danûstandin û ramana kolektîf pêş dixe. Ramanên Birêz Ocalan pabendbûna wî ya bi mirovatiyek binirx û hêja re dixe li pêş girêdanbûna xwe ya siyasî û neteweyî. Her wiha çareseriyek demokratîk û avakirina civatek demokratîk dike bingeha çareseriya siyasî.
Pêngava Birêz Abdullah Ocalan ya ji bo çareseriyek demokratîk ji pirsgirêka Kurd re dikare bibe bingeha çareserkirina hemû pirsgirêkên din ên li herêm û cîhanê.
Me xwesteka xwe ya hevdîtina bi Birêz Abdullah Ocalan re anî ziman. Em bang li Wezareta Dadê ya Tirkiyeyê û hikûmeta Tirkiyeyê dikin ku rê bidin hevdîtinek dîrokî li gel bê kirin da ku gav ber bi çareseriyek aştiyane ya bingehîn ve werin avêtin.”
