Dîlan Mulhim\Qamişlo
Komeleya Mezopotamiya ya Alîkarî û Geşkirinê bi destkdayîna gelê Bakur û Rojhilatê Sûriyê û saziyên çalak kerwanekî alîkariya mirovî ku ji 55 pakêtên xwarinê û ard pêk tê, ji bo malbatên hewcedar yên li Siwêdayê re şandin.
Komeleya Mezopotamiya ya Alîkarî û Geşkirinê bi armanca alîkariyên mirovî û tendurstî di Adara 2025’an de li ser asta Bakur û Rojhilatê Sûriyê hatiye avakirin. Ji meha Adarê ve dest bi karê xwe kiriye û bi hemahengiya hikumeta veguhêz a Şamê re kar û xebatê xwe li tevahiya Sûriyê bi rêve dibe. Herwiha Komeleya Mezopotamiya di demên pêş de hewl dide ku ofîsên xwe yên alîkariyên mirovî û tenduristî li tevahiya Sûriyê ava bike.
Komeleya Mezopotamya yê bi destkdayîna gelê Bakur û Rojhilatê Sûriyê û çalakiyên saziyan karwanekî alîkariyên mirovî ji bo malbatên hewcedar ên li Siwêdayê re amede kirin. Li gorî organîzatoran alîkarî ji 55 pakêtên xwarinê û ard pêk tê. Karwan gihştiye Reqayê û wê ber bi Siwêdayê ve bi rê bikeve. Di heman demê de, li gorî derfetên komeleya Mezopotamiya wê ev alîkariyên mirovî berdewam bikin û wê alîkarî li malbatên hewcedar werin belavkirin.
Hêjayî bîrxistinê ye ku ev cara 4’emîne ku ji aliyê Komeleya Mezopotamiyayê ve alîkariyên mirovî ji bo Berava Sûriyê re tên şandin.
Yekem kampaniya alîkariyan di meha Adarê de bi hevkariya însiyatîfa gelên herêmê, Heyva Sor a Kurd û Rêveberiya Xweser ji Berava Sûriyê re hatin şandin. Di karwanan de 20 kamyon alîkariyê hebûn ku ji 10 hezar pakêtên xwarinê pêk dihat.
Ya duyem; di 19’ê Gulanê de jî Komeleya Alîkarî û Geşedanê ya Mezopotamiyayê bi hevkariya Desteya Kar û Barên Civakî û Rêveberiya Xweser karwanê 2’emîn a alîkariyên mirovî ji bo peravê Sûriyê re şandin. Herwiha Kampaniya alîkariyan ji hezar û 500 paketên xwarinê pêk dihat.
Ya sêyem; di 30’ê Gulanê de jî bi hemahengiya Desteya Kar û Barên Civakî ya Rêveberiya Xweser alîkariyên mirovî ku ji 6 hezar pakêtên xwarinê pêk dihat, ji berava Sûriyê re şandin.
