Ayşa Silêman/ Dêrik
Endamên saziyên Rêveberiya Xweser li bajarê Dêrikê bi hest û moralekî geş pêşwaziya hunermenda binirx Şehrîbana kurdî kirin.
Endamên saziyên Rêveberiya Xweser li bajarê Dêrikê bi hest û moralekî geş li Navenda PYD’ê pêşwaziya hunermenda binirx Şehrîbana kurdî kirin. Di heman demê de Meclisa bajarê Dêrikê li ser navê hemû saziyên bajar diyariyek radestî Şehrîbana Kurdî kirin.
Şehrîbana kurdî di derbarê hest û hatina xwe ya Rojavayê Kurdistanê ji Rojnameya me re axivî.
Şehrîbana Kurdî; Hatina Rojava ji bo min rûmete
Şerhîbana Kurdî diyar kir ku berî 31 salî hatibû Rojavayê Kurdistanê û wiha got:” Dema mirov li wê demê û li dema niha binêre gelek guhertin hene, dema ez 1991’an de hatim Rojava li gelek cihan geriyam, lê vê carê dema ez hatim min dît gelek destkeftiyên kurda çêbûne. Wek tv, kovar û rojname bi zimanê kurdî çêbûne ev yek gelekî pîroze lewma ez gelek kêfxweşim ku îro ez li vir hazirim. 19’ê Tîrmehê em li Qamişlo bûn û vaye 28’ê Tîrmehê em li Dêrika Hemko ne û me bernameya xwe hazir kiriye ku şahiyeke xweş li darbixin moralê gel bilind bikin. Daxwza min ya sereke ew e ku xwedîderketina li Şoreşê, li şervanên azadiyê û li xwe xwedî derkevin ev ji bo me ev serekeye, ji ber ku şoreşa me hîn bi dawî nebûye. Raste herêma Bakur û Rojhilatê Sûriyê di nav aramiyê de dijî lê barê me hîn girane, ev aramiya ku em dijîn têde bi saya 14 hezar Şehîdî ye. Ji niha û pêde em naxwazin şehîdan bidin em dixwazin biawayekî azadî, aşitî û wekhevî bijîn û xwedî li destkeftiyên xwe derkevin.”
