Lîloz Hisên/Qamişlo
Jinên bajarê Qamişlo diyar kirin ku êdî pêwîst e Rêber Abdullah Ocalan fîzîkî were azadkirin, ji ber ku azadiya Rêber Apo misogerkirina serkeftina pêvajoya aştiyê ye.
Di çarçoveya banga Rêber Apo ya “Aştî û Civaka Demokratîk” ku di 27’ê Sibatê de hate kirin û biryara dîrokî ya feshkirina xebata çekdarî ya Partiya Karkerên Kurdistanê, piştî 52 salên têkoşîna li dijî dewleta Tirk a dagireker ku gihaşt armancên xwe di serkeftina doza kurdî de. Îro diyaloga siyasî çareseriyeke bingehîne ji bo doza gelê kurd, lê pirs ew e çima heya niha Azadiya fîzîkî ya Rêber Apo pêk nehatiy!?
Di vê çarçoveyê de welatiya bajarê Qamişlo ya bi navê Raniya Salih diyar kir ku berdewamiya dîlgirtina Rêber Apo, pêşîgirtina çareseriyê ye û wiha got: “Ev 26 salin Rêber Apo di girtîhgeha Îmraliyê de ji bo çareseriya doza gelê kurd û tevahî gelên herêmê têkoşînek mezin dide meşandin, di 27’ê Sibatê de Rêber Apo banga aştiyê raghandin, piştre Partiya Karkerên Kurdistanê banga Rêber Apo pêşwazî kir û bi erkê xwe yê dîrokî rabû. Lê tevî vê yekê dewleta Tirk heta niha tu gavên berbiçav neavêtiye. Niha pêwîst e dimildest Rêber Apo fîzîkî were azadkirin, ji ber ku azadiya Rêber Apo şertek bingehîne ji bo serkeftina pêvajoya aştiyê.”
Raniya Salih axaftina xwe wiha qedand: “Di seranserî 26 salan de gelê Kurd dudilî nebûn di daxwazkirina azadiya fîzîkî ya Rêber Apo de, gelek çalakî, kampanî û insyatîf hatin lidarxistin, niha jî gav bi gav em nêzî azadiya wî dibin. Rêber Apo fedekaryeke mezin ji bo azadî û rûmeta me kiriye, bi taybet ji bo jinan. Tu hinceta dewleta Tirk nemaye ku Rêber Apo girtî bihêle, divê gavan bavêje ji bo nîşandana cidiyeta wî di pêkanîna çareseriyê de.”
‘Rêber Apo hêviya doza gelê kurd e’
Welatiya bi navê Welîda Hesen jî tekez kir ku azadiya Rêbr Apo pêwistiyeke rasteqîne ji bo pêkanîna aştiyê li herêmê ye û wiha anî ziman: “Azadiya Rêber Apo destpêkirina pêvajoya aştiyê li tevahî Rojhilata Navîn e. Eger Tirkiyê girtina Rêber Apo berdewam bike, bawerî di navbera aliyan de tune dibe.”
Welîda Hisên Hesen axaftina xwe wiha bi dawî kir: “Heta niha hikumeta Tirkiyê tu gavên cidî derbarê doza Rêber Abdullah Ocalan neavêtiye, tenê hin name ji rêbertî hatin girtin û hevdîtin li Îmraliyê pê re hate kirin, ji bilî vê yekê tiştek din çênebû, em bi vê qederê razî nabin. Em ê her daxwaz û têkoşîna azadiya fîzîkî ya Rêber Apo berdewam bikin, ji ber ku ew hêviya doza kurdî ye û kilîta çareseriya aştiyê li Rohilata Navîn e.”
