Hêvî Keleş/ Qamişlo
Hevserokê Heyva Sor A kurd Dilgeş Îsa destnîşan kir ku ji ber şert û mercên dijwar ên li bajarê Swêdayê û bandora li ser jiyana rojane ya niştecihan, pêdiviyeke lezgîn bi piştgiriya mirovî heye û wiha domand: “Heyva Sor a Kurd ji bo gelê Siwêdayê kampanya alîkariyê ragihand.”
Heyva Sor a Kurd ji bo xelkên Swêdayê yên zirar dîtine kampanya alîkariyê di 23 Tîrmehê de da destpêkirin. Heyva Sor a Kurd wekî beşeke erkê xwe yê mirovî ew alîkariya lezgîn digihîne kesên ku herî zêde hewcedar in.
Derbarê komkirina Alîkariyan ji bo xelkên Siwêdayê Hevserokê Heyva Sor A kurd Dilgeş Îsa ji Rojnameya me re axivî.
‘Me banga alîkariyê ji bo xelkên Siwêdayê kir’
Hevserokê Heyva Sor A kurd Dilgeş Îsa anî ziman ku Heyva Sor A Kurd bangeke alîkariya lezgîn kirin ji bo xelkên Siwêdayê û wiha got: “Weke her kes dizane di demên dawî de xelkên Siwêdayê di rewşeke xerab de ne û zehmetiyan dikşînin di milê tenduristî û pêdiviyên jiyanê de, ji ber wê Heyva Sor a Kurd banga alîkariyê kir kir, da ku karibin alîkariya xelkên Siwêdayê bike. Me Sindoqên xwe yên alîkariyê ji bo danheva alîkariyê li navendên xwe belav kirin û li ser malperên xwe yên medyaya civakî jî belav kirin, herwiha edrêsa bengê jî me diyar kir ji bo kesên li dervê yên ku bixwazin alîkariyê bikin û kesên dixwazin alîkar bibin dikarin serdana navendên Heyva Sor a Kurd ên li seranserî herêmên Bakur û Rojhilatê Sûriyeyê bikin.”
‘Me ji 23 Tîrmehê dest bi kampaniya alîkariyê kir û wê heta 10 rojan bidome’
Dilgeş Îsa destnîşan kir ku hin rêxistinên navnetewî jî bi wan re bûn alîkar û wiha axaftina xwe qedand: “Rxistinên navnetewî di navbera 10 heta 30 hezar dolarî kom kirin ji bo em bişînin ji xelkên Siwêdayê re. Me ji 23 Tîrmehê dest bi kampaniya alîkariyê kir û wê heta 10 rojan bidome, em ê hewil bidin di vê demê de ku em karibin alîkariyan bighînin Siwêdayê, têkililiyên me bi saziyên civaka sivîl,saziyên alîkariyê mirovahiyê li siwêdayê hene ji bo ku em karibin alîkariyên xwarin û tendirustiyê jî bighînin herêma Siwêdayê. Ji bo rewşa herêma Siwêdayê û xelkên wê em weke Heyva Sor a Kurd 24 seatan di xabatan de ne.”
Li gorî Rêvberiya Heyva Sor a Kurd ji bo kesên li derveyî Sûriyeyê dijîn û dixwazin alîkariyê bikin serî li van hesabên li jêr bidin:
Heyva Sor a Kurdistane e. V.
Bank: Kreissparkasse Köln
IBAN: DE 49 370 502 99 000 40 10 481
BIC/SWIFT: COKSDE33XXX
Paypal: https://www.paypal.com/donate/?hosted_button_id=ST5BWWFB7FPGS
Paypal: [email protected]
