Stêrk mihemed/Qamişlo
Rêveberiya Mala Jin a kampa Newroz Asiye Cefer diyar kir ku armanca me ji avakirina Mala jinê ew e ku jin ji bin bandora desthilatdariya ku koletiyê li ser jin ferz dike, û bê maf dihêle xwe rizgar bike.
Bi dagirkirina Serê kaniyê, Girê spî û Efrînê re gelek kes koçber bûn. Yên ku herê zêde bandor bû û bû Qurban jin û zarok bûn, ji ber ku jin di nava şer de rastî tacîz, tecewîz û tundiyê tên, êdî jin ji ber zihniyeta desthilatadar hat tunekirin, ji ber vê jî ji bo parastina mafê jin cihên girêdayî jin hatin ava kirin û yek ji wan cihan jî Mala jinê ye, herwiha ku tê de pirsgirêk û zehmetiyê ku jin dikşîne tên çarederkirin. Jin ne koleye lê zihniyeta desthilatadar jin ê ji xwe re kirin kol e.
Derbarê mijarê de rêveberiya Mala Jin a kampa Newroz Asiye Cefer ji Rojnameya me re axivî.
Mala jin 3 salin Li Kampa Newroz parastina mefê jin dike
Asiye Cefer da zanîn ku ev 3 salin mala jinê di kampê de hatiye avakirin û wiha got: “Armanca me ji avakirina Mala jinê di nava kampê de ku em zîhniyeta desthilatadar û qirkirinê yên li ser jinê di nava civakê de li hatiye çandin li hemberê wî tekoşîn bikin û li şûna wê îdeolojî hevjiyana azad û civaka demokratîk ava bikin.
Zîhniyeta zayendperestî, desthilatdarî, qirkirin û baviksalariyê di nava civakê de hatiye belav kirin û bandora wê li ser civakê kiriye, ji ber ku civak hertim jinê biçûk dibîne û kole dibîne ji ber vê jî cihên girêdayî jinê hatin avakirina ku tê de parastina mafê jinê were kirin û pirsgirêk jinê çareser bikin yek ji wan cihan jî Mala Jinê ye.
‘perwerdekirina jinê rizgarkirina ji koletiyê ye’
Asiye da xuyakirin ku perwerdekirina jinê rizgarkirina ji koletiyê ye û wiha domand: “Di nava kampê de ji bo hişyarkirinê civakê ji zîhniyeta zayendperestî, desthilatdarî, koletî a baviksalarî perwerde tên dayîn, perwerdeyên ku tên dayîn li ser zewacê bi temen biçûk, pir zewacî, destdirêjiyê cinsî û destdirêjiyê li ser zarokan e. Di nava civakê me de pir jinî weke mafekî rawa tê dîtin, ku di bin navê xweda pir jinî helel kiriye de mêr bi 4 jinan re dicewize, ev ne mafe lê belê tundî ye.
Zewaca bi temenê biçûk di nava civakê de belav bûye, keçikê bi temen biçûk ji dibistanê qut dikin û wê dizewicînin dibêjin ku jin aîdê zilame û dayka zaroka ye ne yê xwandin û zanebûn ye. Jin kirine bindest û mêr jî xwe kirine serdest ku ew azade jinê bikuje, tundiyê li ser bimeşîne û mafê wê tune bike ji ber vê jî ji bo hişyarkirinê civakê perwerde tên dayîn.”
‘pêwîste zilam xwe ji vê hişmendiya şaş û desthilatdar rizgar bike’
Rêveberiya Mala Jin a kampa Newroz Asiye Cefer axaftina xwe wiha qedand: “Jin ne kole û lîstokê zilam e, pêwîste zilam xwe ji vê hişmendiya şaş û desthilatdar rizgar bike. Jin tu carî ne bindest bû lê ew kirin blindest, lê bi saya fikir û felsefeya Rêber Apo jinê karîbû carek din di rêya azadî û aştîyê bimeşe. Em jiyanek wekhev û îdolojiya hevjiyan azad di nava jin û mêr de dixwazin. Civaka me divê li ser esasê wekhavî, netewa demokratîk û azadî jinê bimeşe, ne li ser esasê zayendperestî, desthilatdarî û koletiya jinê be.”
