Hêvî Keleş/ Qamişlo
Meclisa Edaleta Jin ya bajarê Qamişlo bi daxuyaniyekê piştgiriya banga Rêber Apo a Aştî û Civaka Demokart kir û wiha got: “Rojevkirina aştiyê ne tenê ji bo bi dawîkirina pevçûnan û çek danînê ye; ji bo gelê Kurd û tevayî gelên herêmê dibe dîrokeke nû.”
Daxuyanî bi beşdarbûna Endamên Mala jin û Komîteya Lihevanînê, Meclisa Edaleta Jin li pêş Dadgeha bajarê Qamişlo hat dayîn. Daxuyanî ji aliyê endama Dîwana Dozgeriyê Barîn Xelîl bi zimanê kurdî hate xwendin.
Naveroka daxuyaniyê wiha ye: “Meclisa Edalet Jin a Rojava piştgiriyê didin banga Rêber Apo a Aştî û Civaka Demokratik. Bi wesileya banga Aştiya Civaka Demokratik, em mîmarê pergala Konfederal, dost û hevalê Jinê Rêber Apo bi heskirin silav dikin.
Banga Rêber Apo pir girîng e. Rojevkirina aştiyê ne tenê ji bo bi dawîkirina pevçûnan û çek danînê ye, destpêkek ji bo gelê Kurd û tevahî gelên herêmê dibe dîrokeke nû. Ev sed sale li Kurdistan û herêma Rojhilata Navîn şer û rijandina xwînê bi dawî nebûye. Bi navê ol, mezheb û netew şer hatiye domandin. Ji ber wê di tevahî herêmê de hewcehî bi aştiyeke mayînde heye, lewra aşti girînge, bêyî aştî welat û gel azad nabin. Bêyî aşti demokrasî, azadî û wekhevî pêk nayê.
Em weke Meclîsa Edaleta Jin dibêjin; Berjewendiyên civakê di şer de tune ye, şer û rijandina xwînê di berjewendiyên hişmendiya şerxwaz û iqtidarê de ye. Rêber Apo însiyatifa xwe yêkalî bi karanî û got; êdî ji rijandina xwînê re bese, dem dema Aştiyeke mayinde ye”. ji bo Rêber Apo bikare erkê dîrokî pêk bîne, demek berî demekê serbest were berdan.
Em bangî Meclis û hukumeta Tirk dikin ku bi erkê xwe yê demê ve rabin. Taybet jinên li Parlamentoya Enqerê cih digirin, li gorî xweza û hesesiyeta jin tev bigerin û pêşengiya pavajoya aştiyê bikin. Ji bo maf û azadiya Rêber Apo, gelên herêmê xwedî helwest û çêker bin. Aştî yek ali ne pêkane, em daxwaz dikin di makezagonê de (Destûr) mafê gelê Kurd û tevayî gelên Tirkiye misoger bibe. Mafê nasname, azadî û wekhevî bi destûrê tê misogerkirin. Fesixkirina PKK’ê, bêdeng kirina çekan ne teslimkariye ji bo hukumet û dewleta Tirk, ji bo gelên herêma Rojhilata Navin şenseke aştiyê ye. Aştî xwestin û deri II şer girtin ne lewazî xwirtbûne, bi navê din wêrekiyeke mezin û erkeke dîrokî ye.
Di demeke ku gerîla çek bêdeng kiriye, em dibînin cenazeyên gerîla û leşkeran li ser malbatan de tê. Di serî de em ji bo malbatên gerila û leşkeran sersaxiyê dixwazin û dibêjin; serê malbatan sax be. Em dibînin ku 12 leşkerên jiyana xwe ji dest dane bi sedan kilo metre ji ax û sinurên Tirkiye dûrin. Malbatên leşker û parlamento divê bibirsin û lêpirsînek kûr er bi biryardarî were meşandin. Çi karê leşkeran di demeke ku gerila agirbest ilan kiriye li wan çiya û şikefta de heye?
Em weke Meclisa Edaleta Jin dibêjin; bila dayikên gerila û leşkeran êdî rondikan nebarînin. Ev erdnigarî ji xwînê têr buye, bila şuna xwînê gul û kulilk li ser vê axê vebin. Dubare em ji Rojavayê Kurdistanê bangi hukumet û parlamentoya Tirkiye dikin ku ji bo Aştiyeke mayinde gavên şênber werin avêtin. Dewlet, hukumet û parlamento ji bo aştiyê erkên xwe bi cih binin, eger ku erkê dîrokî pêkneynin, hêzên şerxwaz yê li ser bikevin.
