Ayşa Silêman/ Dêrik
Li bajarê Dêrikê kampaniya paqijiyê dest pê kir ev kampaniya ji bo hişyarî û xweparastina paqijiya bajêre.
Meclisa bajarê Dêrikê Ragihand ku her pêncşem li ser asta bajarê Dêrikê bi hevkarî û kordînasyona bi hemû komîn û desteyên li nav bajêr kampaniyeke paqijiyê were li darxistin, ev kampanya ji bo hişyarî û xweparastina paqijiya bajêre.
Di derbarê kampaniya paqijkirina bajarê Dêrikê hevseroka Meclisa Bajarê Dêrikê Rojîn Çeto ji Rojnameya me re axivî.
Rojîn Çeto diyar ku li ser asta Kantona Cizîrê biryara paqijkirina bajaran derket û wiha got: ” Em jî wek Meclisa bajarê Dêrikê me ev biryar girt ser milê xwe û bi hevkarî û kordînasyona bi hemû komîn û desteyên li nav bajêr kampaniyeke paqijiyê li darxist. Ev Kampaniya paqijiyê ji hemû tax û bazarên bajêr dest pê dike ji demjimêr 10’ê sibehê. Armanca me ew e ku em gel hişyar bikin li ser paqijiya bajar da ku em di bajarekî baqij û dûrî nexweşiyan de bijîn di heman demê de em barê giran ê ku dikeve li ser milê şaredariyê jî sivik bikin û bi yek destî barê berpirsiyariya bajar rajinê.”
