Hêvî Keleş/ Qamişlo
Berdevkê Zabita Şaredariya Gel a bajarê Qamişlo Fihmî Mihemed anî ziman ku wan ji bo hêsankirina çûn û hatinê, herwiha ji bo ku cihekî berfireh ji firoşkaran re çêbibe bi kampanyayekê rabûn ku cihê firoşkera veguhertin cihek berfirehtir.
Şaredariya Gel a Qamişo ji bo başkirina kar û barên bazarê û hêsankirina çûnûhatinê, di 15’ê Hezîranê de, kampanyayek des pê kir. Di çarçoveya kampaniyê de, ji bo firoşkarên li kolanan çûn û hatina şêniyan asteng dikirin cihên guncaw hatin destnîşakirin û ji wan hate xwestin ku karê firoşkariyê li wir bikin, her wiha xwediyên dikanan ên ku peyarêya digirin hatin hişyarkirin. Girêdayî vê mijarê Berdevkê zabita Şaredariya Qamişlo Fihmî Mihemed ji Rojnameya me re axivî.
‘Ji bo hêsankirina karê firoşkeran 150 kişk hatin avakirin’
Berdevkê zabita Şaredariya Gel a Qamişlo Fihmî Mihemed anî ziman ku wan ji bo hêsankirina çûn û hatinê di
nava sûkê de cihê firoşkeran veguhertin û wiha got: “Me cihekî nû ji bo hêsankirina karê firoşekeran peyda kir yên ku sebzeyan difiroşin li sûka mezin û li sûka Hetîn ê, di 15’ê Pûşberê de me dest bi vê pirojeyê kir, ji bo ku li sûkê çûn û hatin hêsan bibe û pirsgirêkên firoşkeran bêne çareserkirin. Em weke Şaredariya bajarê Qamişlo ji bo firoşkarên li kolanan, li cihekî diyar 150 kişk ava kirine û bi kirêyeke kêm ku 20 dolar e dide firoşkaran. Ji ber pirbûna firoşkarên li kolanan rêya trafîkê û çûn û hatina xelkê asteng dikir.”
‘Bi hêvî ne ku gel bi me re bibe alîkar’
Fihmî Mihemed axaftina wiha berdewam kir û got: “ ji bo firoşkeran û gel bû rehetîk ku li wir çûn û hatina zêde tune ye, herwiha di demên pêş de tiştê were xwestin ji gel em ê pê rabinm me dît ku bi vê pirojeyê firoşkar û gel jê razînûn û karê firoşkeran hêsantir kir. Ji bo ku ev pirojeyên ku em bi wan radibin biser bikevin û pirsgirêkên civakî şçareser bibin, em hêvî dikin ku gel jî bi me re bibin alîkar.”
