Ayşa Silêman/ Dêrik
Kongira Star a bajarê Dêrikê li navenda Çand û Hunerê ya Dîcle ji bo 29‘ mîn salvegera Şehadeta Şehît Zîlan (Zeynep Kinaci) civînek li dar xistin.
Kongira Star a bajarê Dêrikê li navenda Çand û Hunerê ya Dicle ji bo 29` mîn Şehadeta Şehît Zîlan civînek li dar xistin. Di civînê de hemû endamên saziyên Rêveberiya Xweser hazir bûbûn. Di destpêka civînê de hemû hazir bi xuleyek bêdeng li ser giyanê Şehîdan rawestiyan. Paşê ji hêla kongira Star ve sînevîzyonek li ser jiyana Şehîd Zîlan hat amedekirin û pêşkêş kirin.
Di derbarê çalakiya fedayî ya ku heval Zîlan kirî û bandora wê li ser jinê Rêvebera Kongira Star a bajarê Dêrikê Wefa Elî û endama hêza cewherî Besna Sadiq ji Rojnameya me re axivî.
Rola heval zîlan di kesayeta jinê de
Rêvebera Kongira Star Wefa Elî diyar kir ku di 30’ê Pûşbera 1996’an de heval Zîlan çalakiyeke fedayî pêk anî û wiha got:”Heval Zîlan wek jinekî li ser xwe qebûl nekir ku Rêberê mirovahiyê were dîl girtin, lewma çalakiyeke bi vî rengî pêk anî ji bo jin xwe ji bindestê koletî û işkenceyê rizgar bikin. Li ser şopa Şehîd Zîlan bi hezaran jinan tevlî refên rêxistinê bûn, em jî wek hevalên jin şopdarê xeta Zîlan, sema û Bêrîtanin. Me jî erkek daniya ser milê xwe heta dawiyê em ê xeta wan bişopînin û em ê li ser fikir û felsefeya ku wan canê xwe ji bo wê feda kirine.”
Endama hêza Cewherî Besna Sadiq da zanîn ku heval Zîlan xwe ji bo jinê kir pirek da ku jin ji xewê hişyar bibe û
dengê wê bighêje cîhanê û wiha got: ” Piştî çalakiya fedayî ya heval Zîlan bi hezaran jinên ku ji koletiyê ditirsan serê xwe hildan û bûn şopdarên xeta wê, heval zîlan bû nimûneya jina azad ji bo hemû jinan lewma em ê hertim soza xwe nû bikin û bibin pêşeng da ku her û her zîlan li bîra her kesî be.”
