Ayşa Silêman/ Dêrik
Çand û Hunera bajarê Dêrikê ji bo bîranîna Şehîd Zîlan pêşengeheke wêna û muzîkê li dar xistin.
Çand û Hunera Dicle ya bajarê Dêrikê ji bo bîranîna Şehîd Zîlan pêşengeheke wêna û muzîkê li dar xistin. Di pêşengehê de hemû endamên saziyên Rêveberiya Xweser hazir bûn. Di heman demê de hijmarek ji endamên çand û hunerê wêneyên xwe pêşkêş kirin. Wê ev pêşengeh li ser du rojan berdewam be. Di roja yekem de wêne hatin pêşkêş kirin û koma Eleftêriya û hunermend Şivan ji haziran re hestên xwe yên hunerî anîn ziman, di dawiyê de jî dîlan hat gerandin.
Di derbarê pêşengehê wênesazên bi navê Nisrîn Mihemed û Rozîn Yûsiv ji Rojnameya me re axivîn.
Nisrîn Mihemed diyar kir ku ev 8 salin ku ew wêneyan xêz dike û ji bo wê ev yek cihê kêfxweşiyê ye û wiha got: ” Temenê min 22 sale, ji ber hezkirinamin a ji wenesaziyî re malbata min bi min re bû alîkar heya ku ez gihiştime vê astê. Ev cara yekeme ku ez tevlî pêşengehê dibim û hestên min pir cûda ne, ji ber ku min tucarî xeyal nedikir ku ez wêneyên xwe pêşkêş bikim. Hêviya min ew e ku hertim pêşengehên wiha li dar bikevin da ku rihê wênexêziyê li cem me xurtir bibe.”
Rozîn Yûsiv da zanîn ku wênexêzî ji bo wê cîhaneke cûdaye û wiha got: ” Ji zarokatiya xwe ve ez ji wênexêziyê hez dikim û malbata min hertim li pişta min bûn da ku ev vê riyê ji xwe re berdewam bikim di heman demê de min
berê xwe da çand û hunerê û li wir min bêtir xwe li pêşxist. Ev cara duyeme ku ez tevlî pêşengehên wêneyan dibim û dema ez hevrûkirinê di navbera wêneyên xwe yê wê demê û niha de dikim cûdahiya wan gelekî heye. Hêviya min ew e ku em rengê jiyanê bi awayekî cûda derxin bi riya hunerê.”
