Lîloz Hisên/Qamişlo
Ji ber germmahiya zêde, şaredariya gel a bajarê Qamişlo li ser daxwaza gel seatên vêxistina elktrîka ampêran zêde kir.
Di 22’ê Pûşberê roja Yekşemê bi amadebûna Meclisa Navçeyê, şaredariya gel li bajarê Qamişlo, Yekîtiya Jenertoran, Odeya Pîşesaziyê û Tevgera Civaka Demokratîk TEV-DEM civîneke li dar xistin, tê de li ser gelek xalan li hev kirin.
Bi sedema bilindbûna pileya germahiyê û tunebûna elktrîkê, şaredariya gel li Qamişlo hewil dide ku barê gel sivik bike di riya zêdekirina seatên vêxistina jenertoran.
Mekenîzmeya vêxistina jenertoran
Civîn ji hêla hevserokê şaredariya Qamişlo û meclisa navçeyê hate birêve birin, piştî gelek nîqaşan ev biryar hatin derxistin:
1-Diyarkirina buhayê Ampêran di meha Tîrmeha sala 2025’an
Buhayê ampêran ya mazota xizmetê ku 8 seatan bi buhayê 12 hezar leyreya Sûrî û her seaetek zêde, têkilî bi komînan re tê dayîn ku her seateke hezar û 500 lîre tê hesibandin.
Buhayê ampêra ya mazota xizmetê ya jenertorên ku 16 saatan tê vêxistin 24 hezar lîreya Sûrî ye.
Buhayê ampêran ya jenertorên ku 24 seatan tê vêxistin li gorî sîstema 16 seatan xizmetê û 8 seatan ya stasyonan 100 lîreya Sûrî.
Sîstema vêxistina jenertoran ku 16 seatan tê bi kar anîn wiha ye:
Ji seat 8’ê sibehê heta 12’ê nîvor.
Ji seat yekê nîvro heta 4’ê piştî nîvro.
Ji seat 7’ê êvarî heta 12’ê êvarî.
Ji seat 12’ê êvarî heta 4’ê sibeha, an li gorî lihevkirineke di navbera komînê û xwediyê jenertoran ku çawa ji bo taxê guncaw be.
2-Ev biryar dikanên bazirganî û pîşesazî di nav xwe de nagre, ji ber ku mazota tê bikaranîn ji bo jenertoran ya herî başe.
3-Xwediyê jenertorê ku li gorî sîstema 8 seatan ne pabende ku jenertoreke din deyne, lê hejmara seatên vêxistinê zêde bike, piştî lêkolînê, daxwazê gel û komînê ku bibe sîstema 16’an li gorî erdngariya taxê.
4-Divê xwediyê jenertorê zêdeyî 10 Ampêran ne de kesê nû.
5- Xwediyên jeneratoran divê piştî wergirtina nirxa Amperê fatûreyên birêkûpêk peyda bikin. Bihayê Amperê di destpêka her mehê de, digel jimareya têlefonê, roja wergirtinê û navê xwediyê jeneratorê tê diyarkirin.
6- Mîqdara abonetiyê bi lîreyên Sûriyê diyar bikin.
7-Eger xwediyê jeneratorê pabendî buhayê diyarkirî nebe, bi cezayê 25,000,000 lîreyên Sûrî were cezakirin.
8- Di rewşa dubarekirina binpêkirinê de, cezayê pereyan dê 35,000,000 lîreyên Sûrî be.
9- Eger cara sêyemîn dubare bibe, jenerator dê ji bo meclîsa şaredariyê were desteserkirin.
10-Daxwaza xwediyê jenertoran ji gel bi abonetiya Ampêran an tamîrkirina jeneratorê qedexe ye, ew dikeve ser milê xwediyê jenertorê. Eger bê muxalefe kirin wê destûra rêvebriyê were redkirin û jenertor ji bo meclisê were destserkirin.
11- Di rewşa girtina jeneratorê de, buhaya Ampera dê ji lêçûnê were derxistin, ji bilî xirabûnên awarte.
12-Paqijkirina jenertorê di hemû aliyan de.
13-Pêdivî ye ku aboneyên ji 1’ê heta 10’ê mehê bên dayîn. Ger drav neyê dayîn, ji mafê xwediyê jenertorê ye ku elktrîkê qut bike.
14-Xwediyên jeneratorên ku 24’an saetan dixebitin, divê jeneratorên xwe bi seatên dirêj venemrînin di bin cezayê berpirsiyariyê de.
