Ayşa Silêman/ Dêrik
Bi saya Şoreşa Rojava jin bû pêşeng di civakê de û gelek destkeftiyên bi nirx bi dest xistin û karî cihê xwe di gelek qadan de bigre û gavên serkeftî bavêje.
Yek ji destkeftî, kar û xebatên abûriya xweser yên girêdayî jinê, Firina Adar a ku di 4’ê Nîsana sala 2016’an de li bajarê Dêrikê ji hêla Kongira Star û aboriya jin ve hat vekirin bû. Ev firin ya nanê qalind û nanê sêlê ye, têde pênc kes kar dikin, du jin nanê sêlê çêdikin û du jin û xortek nanê stûr çêdikin.
Di derbarê rewşa Firina Adar de Rêvebera Firina Adar Axîn Abdullah ji Rojnameya me re axivî.
Rewşa Firina Adar
Axîn Abdullah anî ziman ku buhayê nanê firina Adar ji yê firinên din arzantire û wiha got: “li Firina Adar ji seat 5’ê
sbehê dest bi çêkirina nan dike heya seat 12’ê nîvro. Nanê vê firinê ji bo tenduristiyê jî baş e ji ber ku arê wê yê esmere. Her meh em ardê xwe ji qamişlo tînin, lê wek din pêdiviyên din ên firinê em peyda dikin. Dema pirsgirêk di firnê de derdikevin jî em barê çeksazkirina wê radikin. Di heman demê de gelek xwaringeh siparîşê li ser nanê sêlê dikin û em destekê didin herderî çi xwaringeh çi jî kes bin. Armanc ji vekirina vê firinê ew bû ku alîkariyê bidin miletê xwe her wiha jinên ku zanebûna wan di vî milî de heye kar bikin da ku debara jiyana xwe bikin. Daxwaza me ew e ku her jineke ku pîşeyek di destê wê de heye dest bi kar bike û kesayeta xwe ava bike ji ber ku jin pêşenge û her cihê ku ew tevlî dibe bi coş kar û xebatê dide meşandin.”
