Hêvî Keleş/ Qamişlo
Welatiyên bajarê Qamişlo anîn ziman ku 26 sal e Rêber Apo di zindanê de ye û divê mafê hêviyê jê re were dayîn û wiha gotin: “Deweleta Tirk a dagirker dibêje aşitî lê tu gavan navêje.”
Di 27`ê Sibatê de Rêber Apo bangeke dîrokî ji bo aştî û civaka demokratîk kir, û got ez amademe ji bo çareseriya pirsgrika kurd û tirk, lê ruxmî wê jî heta niha dewleta tirk tu gavên cîdî û erênî neavêtiye ji bo ku ew pêk were pêwîste mafê hêviyê pêk were. heta niha hem êrîşên li ser kurdan û tecrîda li ser Rêber Apo berdewam dike. Di derbarê vê mijarê de Welatiyên bajarê Qamişlo Mihemed Kozî û Perwîn Cemîl ji Rojnameya me re axivîn.
‘26 salin Rêber Apo Tekoşîn dike’
Welatiyê bi navê Mihemed Kozî destnîşan kir ku 26 salin Rêber Apo di nav çar dûwaran de tekoşîn dike û wiha got: “Bû 26 sal ku tecrîd li ser Rêber Apo didome, gelê Kurd ev 26 salin Rêber Apo di dilê xwe de hembêz dike. Rêber Apo di 27 Sibatê de banga Aşitiyê û demokratiyê kir, lê belê dewleta Tirk êrişên wê berdewamin û tu gav ji bo ku aştî pêk were navêtin û tecrîda li ser Rêber Apo jî berdewame. Ji 27 Sibatê heta roja îro hewildanên Rêber Apo ji bo aştiyê hebûn heta ku gihaşt ku PKK’ê li ser banga Rêber Apo, 12’emîn Kongreya xwe di navbera 5-7’ê Gulanê de pêk anî û ragihand ku têkoşîna xwe derbasî qada aştî û siyaseta demokratîk kiriye. Em hêvî dikin ku Dewleta Tirk gavin berbiçav bavêjin ji bo aştî pêk bê. Em azadiya fêzîkî ya Rêber Apo jî dixwazin û ji bo azadiya fîzîkî a Rêber Apo em ê têkoşîn bikin heta ku Rêberê me azadiya xwe bi dest bixe. Heta ku Rêber Apo azad nebe wê tu aştî pêk neyê û çareseriya pirsgirêka Rojhilata Navîn de pêk nay, em wekî gelê kurd em ê hertim têbikoşin û tev bigerin heta ku Rêber Apo ji îmralî were derxistin ku aşitî û demokratî pêk were.”
‘Li ser banga Rêber Apo emê tekoşîn bikin ‘
Welatiya bi navê Perwîn Cemîl jî daxwaza azadiya fîzîkî Rêber Apo kir û wiha got: “Em ji bo ku Rêber Apo azadiya xwe ya fîzîkî bi dest bixe tev digerin û em ê her roj û her deqe têkoşînê bikin ji bo azadiya Rêber Apo, wekî hemû kes zane ku ev 26 salin Rêber Apo di zindanê de ye û tecrîd ji aliyê dewleta Tirk ve li ser tê kirin. Rêber Apo banga Aştiyê kir ji bo ku êrişên li ser kurdan bi dawî bibin û demorasî pêk were, lê dewleta tirk êrişên xwe li ser kurdan berdewam dike û aşitiyî red dike lê heta ji me bê em ê hewil bidin ku banga Rêber Apo a Aşitî û Demokrasiyê pêk bê. Xwesteka me ya pêşî azadiya fîzîkî Rêber Apo ku ji îmraliyê derkeve û xebatên xwe bide meşandin, Ger ew pêk were wê aşitî jî pêkan be. Em bang li dewletên navnetewî dikin ku li ser azadiya fîzîkî ya Rêber Apo bisekinin.”
