Stêrk Mihemed/Qamişlo
Azad Elî ku xwediyê şitilgeheke li bajarê Qamişlo ye diyar kir ku ev 5 salin ew karê şitilgehan dike û wiha got: “Min ji ber hezkirina şitilgehan endezyariya çandiniyê xwend, niha jî min li Qamişlo şitilgehek vekir.”
Çandina dar, gul û kulîlikan cewhera bedewiya jîngeh û xwezayê ye. Di salên borî li bajarê Qamişlo gelek şitilgeh hatin vekirin, yek ji van şitilgehan jî li Taxa Xerbî ya bajarê Qamişlo ye. Di vê şitilgehê de gelek cureyên dar, gul û kulîlikan hene.
Derbarê rewşa şitilgehan xwediyî şitilgehê û endizyarê çandiniyê Azad Elî ji rojnameya me re axivî.
‘Bi çandiniya daran û kulîlikan bajar tê xemlandin’
Azad Elî destnîşan kir ku bi çandina dar û kulîlikan civak tê xemlandin û wiha got: “Em hemû cureyên darên ku li
derve û hundir tên çandin dihewînin, herwiha hemû cureyên kulîlikan û darên fêkiyan dihewînin. Em di rojê de nêzî 100 şitlî diçînin, niha di meştelê de nêzî 3 hezar cureyê daran, fêkî û kulîlkan hene, em hin ji şitlên xwe ji Tertos, Hema û hin deverên din ên Sûriyê tînin. Bajarê Qamişlo di demê berê de bi daran nedihat xemlandin, lê niha bi hemû cureyên daran û kulîlikan tê xemlandin. Şaredarî û rêxistinên navdewletî weke erkeke mirovî daran dibin û diçînin, bi vê yekê dema ku dar û gul tê çandin rewşa avhewayê jî baş dibe.”
‘Em zehmetiyan di anîna dar û kulîlikan de dibînin’
Elî diyar kir ku karê şitilgehiyê zehmete lê xweşe û wiha domand: “Em zehmetiyê di karê xwe de dibînin ji ber ku gelek cureyên dar û kulîlikan em ji herêmên dûr tînin weke Tertos, Hema û hin deverên din ê Sûriyê. Pirsgirêk û zehmetî bi me re derbas dibin lê em wan çareser dikin, karê me yê zêde li ber tava rojê ye, zehmetiya wê heye lê karê wê gelekî xweş e.”
‘Bi çandina dar û gulan em rewşa avhewayê xweştir dikin’
Azad Elî di dawîya axaftina xwe de wiha got: “Di demê dawî de gelek kes tên şitilan dibin û bi hejmareke mezin tên çandin, ne weke sala bûrî ye, ev sal çandina daran pîş ketiye, welatî dar û gulan li pexçe, navberrê û zeviyan diçînin. Herwiha gelek malbet tên gulan û darên fêkî dibin li malên xwe û derdora wê diçînin. Bi çandina daran em rewşa hewayê û jîngehê jî dugherînin.”
