Ayşa Silêman/ Dêrik
Bi destekdayîna Kampaniya Şemal, Şaredariya Gel a bajarê Dêrikê dest bi pirojeya zivitkirina taxên bajêr kir.
Yek ji pirojeyên sala 2025’an zifitkirina bajar bû, ev piroje li ser sê qonaxa hatiye dabeşkirin, wek qonaxa yekem ji riya nexweşxaneya gel a bajarê Dêrikê dest pê kir, wê di vê qonaxê de riyên sereke yên çûn û hatina bajarê Dêrikê werin zifitkirin. Di heman demê de riya serke ya çûnûhatina gundê Zihêriyê û Eyndîwer jî wê werin zifitkirin. Di vê qonaxê de wê 12 hezar m3 were çêkirin.
Qonaxa duyem jî wê 12 hezar m2 were zifitkirin, ev qonax wê temamkirina qonaxa yekem be û wê tê de riyên di nava taxê de bên zifitkirin. Ev qonax wê ji meha Tîrmeh destpê bike heya meha Tebaxê wê bidawî bibe.
Di heman demê de qonaxa sêyem wê ji bo daxwazê gel bin, ji ber ku gelek daxwzên wan hene derfet nebûn di destê şaredariyê de wê di qonaxa sêyan de pêk bînin.
Bi vê pirojeyê wê nêzî ji sedî 80 ji rê û kolanên bajarê Dêrikê bên zifitkirin.
Li gorî pilanê pêwîst bû 1’ê Gulanê ev piroje hatiba destpêkirin, lê ji ber hin rewşan rewşa hinekî derengbûn çêbû.
Şaredarî daxwaza wê ji bo şêniyên bajarê Dêrikê ew e ku çi yekê ku xetên wan yên avê hewceyî çaksazkirinê ne bila dest pê bikin da ku zifita taxan nema were şikandin û bajar bimîne paqij.
