Dîlan Mulhim\Qamişlo
Komeleya Mezopotamiya ya Alîkarî û Geşkirinê di 19’ ê Gulanê de bi hemahengiya Desteya Kar û Barên Civakî ya Xebatên Rêveberiya Xweser a Dîmokratîk kampaniyeke alîkariyên mirovî ji bo Berava Sûriyê re şandin. Herwiha kampaniya alîkariyan ji hezar û 500 pakêtên xwarinê pêk tê.
Komeleya Mezopotamiya ya Alîkarî û Geşkirinê bi armanca alîkariyên mirovî û tendurstî di Adara 2025’ an de li ser asta Bakur û Rojhilatê Sûriyê hatine avakirin. Ji meha Adarê ve dest bi karê xwe kiriye û bi hemahengiya desthilata Şamê jî kar û xebatê xwe li tevahiya Sûriyê bi rêve dibe. Herwiha Komeleya Mezopotamiya di demên pêş de hewl dide ku ofîsên xwe yên alîkariyên mirovî û tendurstî li tevahiya Sûriyê ava bike.
Komeleya Mezopotamiya ya Alîkarî û Geşkirina ev care duyemîne bi hemahengiya Desteya Kar û Barên Civakî ya Xebatên Rêveberiya Xweser a Demokratîk kampaniya alîkariyên mirovî ji deravên Berava Sûriyê re dişîne.
Di 19’ ê Gulana 2025’an de Komeleya Mezopotamiya bi hemahengiya Desteya Kar û Barên Civakî ya Xebatên Rêveberiya Xweser kampaniyeke alîkariyên mirovî ji deverên berava Sûriyê re şandin.
Kampaniya alîkariyan ji hezar û 500 paketên xwarinê pêk tê û ev kampaniya ji bajarê Qamişlo ber Berava Sûriyê ve bi rê ket. Herwiha li gorî derfetên komeleya Mezopotamiya wê ev alîkariyên mirovî berdewam bikin û ev alîkarî li kesên hewcedar werin belavkirin.
Hêjayî bibîrxistinê ye ku îro danê sibehê kerwanê alîkariyê ji bajarê Tebqa ber bi Berava Sûriyê ve çû.
