Stêrk Mihemed/Qamişlo
Şandeyak rahibên Fetîkan serdana navenda Insiyatîfa ji bo Azadiya Rêber Apo kirin. Ew şande ji 5 kesan pêk dihat. Herwiha armanca serdana wan ew bû ku rewşa Bakur û Rojhilatê Sûriyê ji nêz ve nas bikin, di heman demê de rewşa Rêber Apo ji wan re bê zelalkirin.
Bi armanca naskirina rewşa Rêber Apo û dîtina rewşa Bakur û Rojhilatê Sûriyê ji nêz ve, şandeyek ji xiristyanên hundir û derveyî Sûriyê ku ji 5 kesan pêk dihat serdana Însiyatîfa Azadiya Rêber Apo kirin. Di serdanê de nîqaşên di derbarê rewşa Rêber Apo û geşedanên li Bakur û Rojhilatê Sûriyê, hatin kirin. Herwiha gelek mijarên din jî hatin gotubêjkirin.
Şande ji aliyê berdevkê Insiyatîfê Ferzende Munzir û rêveberê sandîqeya parêzerên Bakur û Rolhilatê Sûriyê Beşîra Cemîl ve hatin pêşwazîkirin.
Navê kesên ku di şandeyê de cihê xwe digirtin wiha ne:
Berdevka rahibên Firensîsken Elmerîmiyet Tîryez Elyes Kenekrî ji Sûriyê.
Rahîba bi navê Nedya Emîn Xalî ji Misirê.
Rahîb Merî Hebîb Kêroz ji Libnanê.
Berdevkê komîteya danûstandina meclîsa Kinîseyên Xiristiyaniyên li Helebê û endamê meclîsa Olên Bakur û Rojhilatê Sûriyê Ermîn Merdo.
Berdevkê metranê Helebê yê Ermanan û nûnerê meclîsa olên xiristiyanî li Reqayê Kerekyos Qeleciyan.
Şandeyê li ser rewşa Bakur û Rojhilatê Sûriyê û rewşa Rêber Apo axivî.
Herwiha rêveberê Insiyatîfê ya Sûrî ji bo azadiya Rêber Apo Ferzende Munzir, endama Meclisa Malbetê Şehîdan Necah Gilo û rêveberê Sandîqeya Parêzerên Bakur û Rolhilatê Sûriyê Beşîre Cemîl axivîn û wiha gotin: “ Em ji bo azadiya Rêber Apo têkoşîneke bêhempa didin meşandin. Zagonên navneteweyî ji bo azadiya fîzîkî ya Rêber Apo tu xizmet nekir, lê fikirên Rêber Apo bi tecrîd û hemû hewildanên navneteweyî nehatin sînorkirin, berovajî wê fikir û çareseriyên wî bû malê cîhanê.”
