Navenda Nûçeyan
Siyasetmedar, parlementer, senarîst, lîstikvan, derhêner û nivîskarê sosyalîst Sirri Sûreyya Onder Şeva 15’ê Nîsanê ji ber nexweşiya dil rakiribûn nexweşxanê, di 3’ê Gulana 2025’an de koça dawî kir. Rêberê Gelan Rêber Abdullah Ocalan li ser wefata Sirri Sûreyya Onder peyama sersaxiyê şand.
Peyama Rêber Abdullah Ocalan wiha bû: “Koça dawî ya siyasetmedarê me yê hêja Sirri Sureyya Onder dilê me xemgîn kir. Ew mirovekî pir hêja bû, kurekî rastîn ê gel bû. Kevneşopiya Anatoliyê û Tirkmenan zarokekî mezin winda kir, hemû civak û gelên erdnîgariya me hevrêyekî mezin winda kir. Ez rêzdariyeke mezin ji bo bîranîna wî digirim. Di 27ê Sibatê de, di hevdîtina me ya dawî de, wî hevoka dawî ya ku me li bangewaziyê zêde kiribû nivîsandibû û dixwest ku wê bi xwe bixwîne. Ji bo hevjiyana aştiyane xwedî xîret û kedeke bêhempa bû. Ew xwedî jêhatîbûneke hosteyî bû ku hemû aliyên neyînî vediguherîne aliyên erênî. Ew nasnameyeke rastîn a aştiyê û çandeke aştiyê bû. Wî pir baş dizanibû ku aştî û pêvajoya aştiyê dê ji bo me hemûyan sûdmend be, û ev hesreta wî ya mezin bû. Ev hêvî ti carî nikare bê encam bimîne. Ji bo me hemûyan ya girîng ew e ku em vî ruhî bibin aştiyê û bi navê Sirri Süreyya Onder tac bikin. Careke din ez dilsoziya xwe ya herheyî ji bo bîranîna we diyar dikim; Ez sersaxiyê ji malbat, heval, dost û hemû gelê me yê hêja re dixwazim. Sersaxiyê dîsa hemû hezkirî û ddilxwazên Sirri Sûreyya Onder re dixwazim.”
