Hêvî Keleş/ Qamişlo
Welatiyên bajarê Qamişlo anîn ziman ku azadiya fîzîkî ya Rêber Apo mercê bingehîn e ji bo pêkanîna aştiyeke mayinde û wiha gotin: “Heta ku banga aştiyê bibe pratîk, em ê têkoşînê dewam bikin’
Tevî ku Rêberê Gelan Abdullah Ocalan di 27’ê Sibatê de bangeke dîrokî ji bo aştiyeke mind û çareseriya doza gelê kurd û tevahiya gelên herêmê kir, lê heta niha dewleta Tirk a dagirker tu gav navêtin û êrişên wê berdewamin.
Derbarê mijarê de welatiyên bajarê Qamişlo Fadiya Silêman û Ebdulkerîm Ebdo ji Rojnameya me re axivîn.
‘Neheqîq li ser Rêber Apo heye’
Welatiya bi navê Fadiya Silêman ku ji bajarê Qamişlo ye da zanîn ku cîhan bi giştî dizane ku li hemberî Rêber Apo
sûcekî dijmirovî tê meşandin û wiha got: “Êrişên dagirkeriya dewleta Tirk li ser Kurdan berdewame, bi êrişên xwe re jî dagirkerî sîstema işkence û qirkirinê jî dewam dike. Ev tecrîda ku li ser Rêber Apo tê kirin zordariyek mezine û nayê qebûlkirin. Her kes pêwîste xwedî maf be, lê mafê gelê kurd hatiye desteserkirin, dewleta Tirk hertim êrişên xwe li ser gelê kurd dike û hewil dide ku mafê gelê kurd bê windakirin. Rêber Apo ji bo bidestxistina mafê gelê kurd û pêkanîna aşitiyê bangeke dîrokî kir, lê dewleta Tirk a dagirker tu gavên berbiçav hî jî navêtine û êrişên xwe dewam dike. Em weke gelê kurd û weke dayik soza me ew e ku em ê têkoşîna azadiya fîzîkî ya Rêber Apo dewam bikin û tekez wê Rêber Apo fîzîkî azad bibe. Em ê heta dawiyê li ber xwe bidin û banga Rêber Apo bi ser bixin.”
‘Bê azadiya fîzîkî a Rêber Apo aşitî pêk nayê’
Welatiyê bi navê Ebdulkerîm Ebdo jî anî ziman ku ew piştgiriyê didin pêvajoya aştiyê ku Rêber Apo ji bo têkoşînê dide meşandin û wiha got: “Bê azadiya Rêber Apo aşitî pêk nayê. Pêwîst e hêzên navneteweyî bi hemû hêza xwe piştgiriya pêvajoyê bikin. Da ku aştî li tevahî Rojhilata Navîn pêk were. Em ê heta dawiyê xeta Rêbertî biparêzin û xeta aşitî û demokratiyê jî biparêzin.”
