Hêvî Keleş / Qamişlo
Lîstikvanên spora karatê ên jin diyar kirin ku spor bandorek wê ya erênî li ser derûniya mirov heye, bi taybet spora karatê baweriya jinê bi hîza wê ya hundirîn zêdetir dike û wiha gotin: “Jinan di qada spora karatê de jî hêza xwe isbat kirin.”
Wekî tevahiya qadên civakê, di qada sporê de jî jinên Bakur û Rojhilatê Sûriyê bi rola xwe radibin û cihê xwe di vê qadê de jî digrin. Tevî ku hin beşên soprê wekî spora karatê tenê ya mîran dihat dîtin, lê piştî şoreşa Rojava jinan di vê beşê sporê de jî cihê xwe girtin û hêza xwe isbat kirin. Jinên lîstkvanên karatê yên Rojavayê Kurdistanê gelek caran li ser asta Sûriyê bi giştî bûne şampiyon.
Derbarê fêrbûna jinan ji spora karatê re, jinên ciwan ku îstekvanên Karetê ne ji Rojnameya me re axivîn.
‘Divê jin bi hêza xwe bawer be’
Lîstekvana Karetê Behiya Hesen anî ziman ku wê ji zaroktiya xwe ve bi lîsteka karetê mijûl bûye û wiha got:
“Lîsteka karetê gelekî bandor li kesayeta min kir û cesareta min zêde bû, herwiha jiyana min guhert. Pêwîste mirov ji zaroktiya xwe ve li dû xewnên xwe be û xwedî cesaret, pêwêste tevahiya astengiyan derbas bike û xwena xwe pêk bîne. Bi taybet em weke jin divê xwedî hêz û bawerî bin, li hember adet û kevneperstiyê serî netewînin. Ez weke lêstikavnekê karatê tevlî gelek şampiyonên karatê bûme û bi ser ketime. Dema ku jin bi sporê mijûl dibe, ew dikare di siberojê de civakê li pêş bixe.”
‘Tevî astengiyan jî min spor dewam kir’
Lîstikvana karatê Lîlas Omer jî diyar kir ku ew ji 2017`an de lîsteka karetê dilîze û wiha got: “Spor bandorek wê ya
erênî li ser derûniya mirov heye, herwiha baweriya mirov zêde dike. Bi taybet bi rêya spora karatê jin dikarexwe ji şidetê biparêze. Di destpêkê de hin astengî hatin pêşberî min, bi taybet ku civak vê lêstikê tenê wekî ya mêran dibîne. Lê bi demê re ez li hemberî van astengiyan derketin û min spora karatê dewam kir. Divê jinên ku ji sporê hez dikin û daxwaza wan heye ku fêr bibin, îradeya wan xurt be û li dû xewnên xwe bin heta ku bighêjin armanca xwe.”
‘Divê îradeya jinê ji tevahiya astengiyan xurtir be’
Lîstkvana karatê Ftima Ibrahîm jî eşkere kir ku dema ew vê lîstekê dilîze kêfxweş dibe û wiha got: “Dema ez fêrî
lîsteka karetê bûm gelek Kesan ji min re digotin hibijartina te ji vê lîstekê re şaş e, digotin nabe jin fêrî liîstikê wiha bibe. Lê îradeya min xurt bû û baweriya min bi min hebû. Di vê her jineke ciwan jêhatiyên xwe pêşbixe û xeyalên xwe pêk bîne. Bi taybet lîsteka karetê ji jin re gelekî bi sûde û baweriya bi hêza hundirîn zêde dike.”
