Asya Weşûkanî
Careke din ji her kesî re hate îsbat kirin ku Rêber Apo, ji gelê Kurd re ciyê bîr, bawerî û hêviya jiyana azade û weke ku; çawa gelê Kurd li çar perçeyên Kurdistanê weke volqaneke, sincirî di 27 sibatê de li her deverê pijiqîn û gotin ku em tev bi Rêber Apo rene û heyanî mirinê jî emê pêrebin. Gelê Kurd bi kelecan û coşeke mezin li her deverê bi riya T. V ê guhdarî hevdîtina Rêber Apo a ku bi Mehmet Ocalan û kurê, wî Omer re kirin. Rêber Abdullah Ocalan di hevdîtina xwe ya 31 adarê de, qala kesayeta xwe ya sosyalist(Civakî) kiriye û gotiye ku, ji zarokatiya xwe de her ez xwedî kesayeteke civakî bûm û min her zarok; li derûdora xwe di civandin û dibirin qûntara çiyan de û min ji, wan re niçîrvanî dikir û bala wan dikişand ser xwe.
Û her wiha min zarokên gund li derûdora xwe, kom dikirin û wan jî weke serkêşê xwe li min temaşe dikirin. Bi wan taybetmendiyên xwe min her bala zarokan, dikişande ser xwe û ez jî kêfxweş dibûm ji wê kombûna zarokan. Rêber Apo qala pîrozbahiyên Newrozê kir û got ku, helwesta gel a Newroza îsal gelekî xurt bû ye û cejna her; kesî pîroz kir û got ku tevahî gelan Newroza gelê Kurd, pîroz kir û bi zimanê Kurdî. Cardin Rêber Apo kelecana gel û siloxanên wan nirxand û got ku, diyare ku hêviya wan pir mezine û ez jî cejna, wan pîroz dikim û dibêjim: Ez hêviyê wan bi wate û erênî dibînim û ez jî dibêjim, ku ez di tekoşîna xwe berdewam kirinê de bibiryarim. Rêber Apo qala kuştina xelkên Elewî û Duruz, kiriye û wiha gotiye: Hêzên ku hema zarok, jin û her kî dikeve pêşiya wan de dikujin tekez çeteyên DAÎŞ ê ne.
Û gerek were zanîn ku ew hêzeke çeteye û gerek xelkên, Elewî û Duruz xwe bi rêxistin bikin û fikirên wan red bikin û em jî van nirxandinên; Rêber Apo ên zêrîn ji bo xwe di pileya perspektîfa sereke dibînin. Û gerek xelkên Suryeyê tevahî Elewî, Duruz, Kurd, Suryan, Ermen û her netew û kêm netewa; heyî baldarbe û xwe birêxistin bikin naxwe wê têkbiçin, li ber qefla cîhadîstan. Rêber Apo ji me zêdetir me di şopîne û ji kêmasiyên, me hêrs dibe û hewildide ku bi nirxandinên xwe; yên giring me ji nava lawazî û xemsariyê rizgar bike. Rêber Abdullah Ocalan qala kuştina Elewiyên Nuseyrî û Duruzan dike û dibêje: gerek weke Kurdan xwe birêxistin bikin û yekparebin, ji bo ku xwe biparêzin. Û careke din jî Rêber Apo berê xwe daye Omer û gotiye ku, hun têkevin nava gel û wan bi rêxistin bikin û gerek hun sosyalist bin.
Dibe ku hinek bêjin sosyalistbûn çi ye û çima Rêber Apo, ewqasî qala sosyailzmê dike? Rêber Apo her têgeha ku bikar tîne jî bi berfirehî, vedike û dibêje sosyalizim ewe ku mirov xwezayî be û bi mirovên; derûdora xwe re wekhev jiyan bike û bê mal û payebilindî jî, jiyan bike û beriya niha jî qala kesayeta xwe ya sosyalist kiribûye. Rêber Apo di hevdîtina xwe ya ku di 23 cotmeha sala 2024 an de li gel biraziyê xwe; Omer Ocalan de qala kesayeta xwe dike û wiha dibêje: Ez li vir weke sosyalistekî jiyan dikim û dibêje, jiyan bê peyebilindî û beran jî têye jîn. Rêber Apo her qala jiyana komî û civakî dike û her tekoşîn kiriye ku, mêrên ferdperest bîne jiyana komî û civakî û dibêje; gerek were zanîn ku jin cewhera jiyana sosyaliste û gotiye ku, mêrê ku sosyalist nebe desthilatdare û bermaya pergala bavik salare.
Biraziyê Rêber Apo Omer Ocalan qala tendurustiya, Rêber Apo kiriye û gotiye ku rewşa Rêbertî a tendurustî; li gorî wêneyên 27 ê heyva sibatê rewşa xwe hîn baştir bûye. Lê rastiya heyî jî ewe ku Rêber Apo, kete 76 saliya xwe de û 26 salin ku di quşulê zindanê yê; nebaş de jiyan dike û ev jî dibe sedem ku rewşa xwe, ya tendurustî baş nebe û gerek yekser ciyê wî were guhertin. Û gerek derfetên wî ên jiyanî werin guhertin û gerek, çend heval derbasî ciyê wî bibin û di hêla nivîsê de pêre hevkarbin; ji bo ku karibe pêdiviyên bangewaziyê pêkbîne. Lê mixabin hîna jî dewleta Tirk weke berê nêzî Rêberê gelê Kurd, Abdullah Ocalan dibe û wiha nêzîkatî raberdikin ku gelê Kurd li wan têkeve; gumanan de û hêviya xwe hew bi dewleta Tirk û rayedarên wan werin.
Bi rastî ger ku rêvebir û fermandarên Partiya Karkirên Kurdistanê, PKK ê bi dewleta Tirk neyê jî mafdarin ji ber ku; kiryarên dewleta Tirk û êrîşên wan ên li çiyayên Kurdistanê, hîna jî berdewam dikin û ji berê hîn zêdetir jî êrîşdikin û teknîk; bikartînin û ev jî dibe firset nirxandin û ev jî pîvanên der mirovîne û gerek dewleta Tirk û rayedarên xwe, yekser van kiryarên xwe berdin û fermî nêzî çareseriyê bibin. Di vê mijarê de careke din Rêber Apo dibêje: Ez careke din ji were dibêjim hun jî weke sosyalistan bin û xwe bikin yek. Û di dawiyê de jî Rêber Apo qala yekitiya gelan kiriye û gotiye ku silavên min, ji her kesî re bibêjin û bi dawî kiriye. Bi rastî dema ku ez li ser xisletên Rêber Apo ên sosyalist dihizirim, ez gelekî hêrs dibim û dibêjim: Gelo di nava van 26 salan de Rêber Apo bi tenê jiyan kirin çiqasî tengasî jiyan kiriye?
Û ez dibêjim gerek weke tevgera azadiyê û gelê Kurd û dost û hevalên, Rêber Apo gerek em di 24 katjimêran de tekoşîn bikin; ji bo ku em Rêberê xwe ji wê dojehê rizgar bikin. Ji xwe Rêber Apo jî divê mijarê de wiha peyivîye û gotiye ku, dem hatiye ku dawî li şer û gengeşeyên dijwar were; lê mixabin hîna jî hene kesên ku xwe li ser şer didin jiyan kirin. Û tişta herî giring jî ewe ku gerek kesayeta Rêber Apo, pir baş were naskirin. Rêber Apo ji zarokatiya xwe de her dijberî şer û kuştinê, bûye û weke ku têye zanîn ji derveyî wêne kişandinê; qet çek negirtiye destê xwe û pêl moriyekê jî nekiriye. Lê faşistan her wiha Rêber Apo weke kujerê zarokan, dane nîşandan û her wî reş kirine ku; gelê Tirk hîna jî baweriya xwe bi Rêber Apo nanîne.
Gerek em bi gelê Tirk jî bidin famkirin ku Abdullah Ocalan, mirovekî aşîtî xwaze û qet ji şer heznake; lê ji bo mafê gelê xwe û parastina wan şerê çekdarî daye meşandin û li kêleka, wî şer jî bi dehê caran şer daye rawestandin û bangewaziya lihevhatin û çareseriya aşîtiyane kiriye. Lê mixabin serok û rayedarên dewleta Tirk qet nerm nebûne û her bi, hişkî bersiv dane û xwestine ku Kurdan; bixapînin û weke netew Kurdan têkbibin. Û herî dawiyê jî Rêber Apo careke din di hevdîtina, xwe ya 31, ê adarê de balkişandiye ser îsrara xwe ya ji bo çareseriya aşîtiyane û civaka demokratîk. Û gotiye ku ez bi biryarim ku pêvajoyê heyanî dawiyê bibim. Carin Rêber Apo ji bo lidarxistina Kongra PKK ê, jî wiha dibêje: Ger ku şert û merc guncav be ji xwe gerek ez jî, beşdarî kogrê bibim.
Û tişte herî rast jî ewe ku Rêber Apo beşdarî kongra PKK ê, bibe ji ber ku partî berhema ked û tekoşîna Rêber Apo bi xweye. Di nerîna min de gerek dewleta Tirk û hukumeta wê, erka xwe ya hukukî û piratîkî pêkbînin û wê ya herî rast jî ew be. Û baweriya gelê Kurd jî bi Rêber Apo heye û dem hatiye ku gavên piratîkî û hukukî werin avêtin.
