Amara Baran/Qamişlo
Li Rojavayê Kurdistanê bi hezaran kesên ku Rêberê gelê Kurd Rêber Abdullah Ocalan dîtine, hene. Bi taybet kesên ku serdna mala Rêber Apo kirine û di civînên wî de amade bûne, heta roja îro jî li ser wê bigehê têkoşînê dewam dikin.
Li Rojavayê Kurdistanê bi dehan kes Rêber Apo dîtine û di civînên wî de hazir bûne, bi taybet dema ku Rêber Apo li Rojavayê Kurdistanê û Sûriyê bû. Yek ji wan jî Nahîf Elî ye ku di sala 1984’an de Rêber Apo dîtiyê û jê bandor bûye.
Di derbarê mijarê de Nahîf Elî ji rojnameya me re axivî
‘Naskirina Rêber Apo û tevgera azadiyê ji bo min tiştek nûbû’
Nahîf Elî di destpêka axaftina xwe dde wiha got: “Berya ku Rêber Apo û tevgera azadiyê derkeve şoreşek bi navê
şoreşa Barzanî hebû. Min di 18 saliya xwe de tevgera azadiyê bi rêka keç û xortên ku di zanîngehan de dixwendin û tevlî tevgera azadiyê bûbûn naskir. Di heman demê de sekin û tevgera kadroyê PKK’ê bandorek li ser min kir û ez gelek dame fikrandin. Ji wê demê heta niha min soz da ku heta hinaseya xwe ya dawiyê ezê di vê rêyê de bimeşîm.”
‘Rêber Apo di saniyekî de sê kar bi hevdûre dimeşand’
Nahîf Elî behsa çûyina xwe ya cem Rêber Apo kir û wiha got: “Dema ku ez yekem car derbasê xaniyê Rêber Apo bûm not li pêşiya wî bû dixwand û bi destekî jî Radyo girtibû bi destê din jî pêşwaziya me dikir, ango li aliyekê not dixwand û li aliyekê radyo guhdar dikir, li aliyê din jî bi mêhvanan re mijûl dibû, Rêber Apo di saniyê de sê kar bi hevdûre dimeşand. ” Rêber Apo di gotina xwe ya yekemîn de got ku ” DIJMINEKÎ HOVE” piştî wê gotinê dest bi cîvînê kir û li gor pêvajoyê rewş nirxand. Komploya navnetewî ku li ser kesayeta Rêber Apo hat meşandin, tiştê ku dijmin xeyal dikir bi dîlgirtina Rêber Apo tevgera azadiyê tune bikin, lê tune nebû ji ber ku tevgera azadiyê koka xwe ji civaka xwe digre planê dijmin têk çû. şagirtên Rêber Apo xelekek ji agir li dora Rêber Apo çêkirin û gotin kes nikare roja me tarî bike. Êdî roj bi roj tevgera azadiyê mezin bû û ji çarçoveya partîbûnê derket û bû hereketek fîkrî û herkes tevlî bûye, ne tenê ji bona gelê Kurd, di roja îro de ji bona tevahî gelan kar û xebatê dike û bûye hêviya cîhanê tevahî.
‘Rêber Apo bi fikrê xwe îmralî kir dibistana jiyanê’
Nahîf ragihand ku ew çiqas behsa keda Rêber Apo û tevgera Azadiyê bikin, ew ê li hemberî keda ku tê dayîn kêm bimînin û wiha domand: “Ruxmê ku îro êrîşeke hovane li ser me û tevgera azadiyê tê meşandin jî, hêviyên me xortin. 26 salin ku Rêber Apo li gireva îmraliyê di nav 4 dîwaran de dîl tê girtin û işkenceyeke giran li ser tê meşandin. Tecrîda ku di nava 4 dîwaran li ser Rêber Apo tê meşandin, wî ew veguherand dibistana jiyanê ji hemû cîhanê re, em heta dawiyê bi hêvîne ku Rêber Apo wê cîhaneke azad ava bike. Tevî hemû zehmetî, êş şahadet û talaniyê hêviyên me naşikin û hêza tevgera azadiyê ji wan êş û azaran mezintire serkeftinên xurt jî wê pêk bîne. ”
Gelê kurd hertim birçiyê siyasetê ye
Nahîf di dawiyê de wiha got: “îro bi saya fikrê Rêber Apo gelê kurd xwe naskir û bû xwedî hêz û vîneke xurt. Tevgera azadiyê di Rojhilata navîn de bû mînaka hêzê û coşa xwe ji civakê digre, civaka Kurd jî bi heman rengî nêz dibû. Di sala 2025’an de hêviyên civaka azadîxwaz bûye felsefa tevgera azadiyê û fikrê Rêber Apo, hemû cîhan îro li ser fikrê Rêber Apo jiyan dike û ji bona xwe wek hêvî dibîne. Proja ku îro li cîhanê tê meşandin proja Rêber Apo ye. Li Bakur û Rojhilatê Sûriyê hemû netewên ku di çeperên şer de şer dikin xwîna wan tevlî hev dibe û bi vê yekê re jî biratî û hevgirtina gelan bi hevre tê avakirin, ew jî encama keda Rêber Apo û şehîda ye.”
