Ayşa Silêman/ Qamişlo
Helbestvan û rojnemevana jin Meryem Temir diyar kir ku Şoreşa 19’ê Tîrmehê derfeteke pîroz da jinê da ku xebata xwe ya di warê rewşenbîrî de jî li pêş bixe û bikaribe hest û êşa gel binivîse.
Piştî Şoreşa 19’ê Tîrmehê xebatê jina rewşenbîr dest pê kir. Jinê karîbû roleke girîng bilîze di gelek qadan de. Rola wê gelek çalak bû û bi encam bû, lê li gor derfetên heyî pêwîst bû jin gavên mezintir avêtiban. Ji ber ku şoreş bi şoreşa jinê tê naskirin û rol û misyona jinê bi taybet ya kurd pêwîste deha zêdetir xurt be û bi wate be.
Di derbar xebata jinê di warê rewşenbîriyê de, helbestvan û rojnemevana jin Meryem Temir ji Rojnameya me re axivî.
Rola jinê di nivîsê de
Meryem Temir da zanîn ku jinê li Rojavayê Kurdistanê cihê xwe di gelek qadan de girt wekî;
rêveberî, siyasî, ragihandin, hwrwiha bi pînûsa xwe jî bû pîşeng û wiha domand: “Lê xwesteka me ew bû ku jin roleke mezintir bilîze, ji ber ku giranbûna barê ku jin rahiştiyê de, divê xebatê wê jî deha zêdetir be. Di warê wêjeyî de jinê berê xwe da nivîsê û xwest bi riya pênûsa xwe hemû hest û êşa derdorê binvîsine. Karî gavên pîroz bavêje û di heman demê de bi saya fikir û ramanên Rêber Apo jinê karî derkeve pêşberî gel û hestên xwe bîne ziman. Girîngiya xebata jinê di sazî, dezgehên wêjeyî, çandî û perwerdeyî de derket, bi pirbûna saziyên rewşenbîr li herêma Bakur û Rojhilatê Sûriyê hewcedar bû ku jin jî tevlî bibe da ku derdor hêza xwe ji hestên wê bigre. Qelsbûna ku di vê warî de derdike sedema wê rewşenbîr bixwe ye, ji ber ku em hewcedarî hin kesane ku him asta nivîsê him jî şêwazên cûda li cem wan hebin, da ku bi riya nivîsê re sûdekî bide derdorê.”
Destekdayîna jina rewşenbîr
Helbestvan û rojnemevanan jin Meryem Temir dawî li axaftinên xwe anîn û wiha got: “Mirov dikare bêje dema qelsbûn derdikeve carnan sedemê wê nerêxistinbûyîne, ev yek him di kesayet him jî di saziyan de ye derdikeve. Ew qeyd û bendên ku civakê ji jinê re danîbûn raste ji kokê de ne hatine şikandin lê heta astekî jinê kariye bi riya îradeya xwe gelek guhertinên ber biçav çêbike. Ev gavên ku jinê îro roj avêtî hemû bi saya Şoreşa 19’ê Tîrmehê ye, ji ber ku ev gavên ku niha tên avêtin berî 10 salan jinê nedikarî bavêje û qeydan bişkîne. Heya ku jin bikaribe hemû kêmasî û astengiyên ku rastî wê tê derbas bike, pêwîste alîkarî hebê ev alîkarî ji hêla Rêveberiya Xweser, ji saziyên rewşenbîrî yên ku di nava Rêveberiya Xweser de kar dikin, yekîtiyên nivîskaran yên ku jinên rewşenbîr endamên wane. Pêwîste jin vê derfetê ji dest xwe nebe û karê rewşenbîriyê bêtir bigre ser milê xwe. Jin divê hin wext bide nivîsê jî ji ber ku hertim afrandina nûbûnê li cem jinê heye. Erkê herî mezin divê sazî destekê bidin jinan û rê negrin li pêşya wan li ser asta cîhanê.”
