Qasim ENGÎN
Faşîzm qîr dike û erîşî hirda û wirda dike. Tonê dengê xwe bilindtir dike. Yê ku vê rewşa faşîstan dibîne û dibhîse fikr dike ku faşîzm ji ber xûrt bûyînê, ji ber lehengiyê û ji ber çavsoriya xwe van dike.
Lê ev sawîneke, xwe ver dîtîneke, xepandineke, şelipandineke û şaşwaz kirineke. Bi kurtahî, dereweke.
Deng bilindiya faşîstan ji ber tirsa wan e, ji ber ku yê biçine. Û ev qîra wan ya bilind hema weke fîta fîta zarokên ku dema di ber tirban de derbas dibin ji tirsa ne, jibo veşartina tirsa xwe ne.
Faşîzm yê biçe. Niha neçe jî yê sibê, sibê neçe yê du sibe biçe. Bi gotinek din, çûyîna wan ne sibêye lê li sibê hêna nêztire.
Ev tespîtên me tenê aîdî me nînin. Û çend şoreşger ango çend siyasetmedar jî van nabêjin. Na, tevahî Tirkiye, welatparêzên Tirk, mirovên ku ji Tirkiye hez dikin jî êdî van gotinan bê tirs bi qîrdayîne bi lêv dikin.
Em bizanin ku evîndarê Tirkiye ne ku ber tirsa xwe van gotinan dibêjin. Na, berovajî ji ber ku xwe li hember Tirkiye berpirsiyar dibînin, ji ber gumanên Beka’ya Tirkiye van nêrînan dibêjin.
Sedemên xwe jî diyarin. Çi faşîst çi jî serokê faşîstan û çi jî yên derdorên wî berikên xwe tijî kirine. Mal û mulkên xwe dibin cihên din. Xwe hildidin saxlamiyê.
Belê, di rewşek wiha de dema Tirkiye têk biçe faşîst yê zerar nebînin. Ji ber ku tiştên ku ew bigirin ji xwe re girtin e. Bi têra xwe xwe dewlemend kirine. Tirkiye qendî ku ew bikaribin bişêlînin, şelandine. Hilweşandine. Şewitandine.
Bi gotinek din Amûd feqara (movikê piştê) dewleta tirk û dewletê nehêştine. Yê heyî saltanata malbateke diz û bê pîvan e. Û ev malbata çendek qeşmer jî bi xwe re bi diziyê dewlemend kirine. Ger Fûhrerê faşîst û çend kesên ku derdorê Fûhrerê faşîst ewqasî bi dengek bilind qîr dikin sedema xwe ji ber ku dihêjin e.
Ne gengaz e ku Tirkiyek bê Amud Feqare li ser piyan bimîne? Mirovek bê Amûd Feqare ma dikare li ser lîngan bisekine?
Erê; qîrkirin, êrîş, tehdît, destdirêjî, tevgerînên bê serû ber hemû ji ber vê ye.
Bê hirda û wirda, faşîzm yê biçe. Di helbijartinên çi yê 31’ ê adarê de çi jî di helbijartina Stenbolê de faşîzm derbek giran xwar. Derket holê ku faşîzm ne her tişte. Faşîzim jî dikare derbeyan bixwe.
Ger rastî wiha bin, wê demê tişta ku were kirin yek tişte, ew jî; em bi hemû hêza xwe li hember tehdît û şantajên faşîstan bê tirs bisekinin.
Tê gotin ku dema dînek dînek din dibîne gopalê xwe vedişêrîne. Ji ber ku kesek li hember faşîstan gopalê xwe ra nake, faşîzm ewqasî bi harî êrîşa tîne ser gel û nirxên me.
Ji ber wê êdî dem tam jî dema me ye ku em gopalê xwe nîşanî faşîstan bidin. Faşîstên cîhanê hemû tirsonekin. Ji ber ku dizin, xwe na spêrin gelan, ji ber çûyîna xwe dizanin dudilîne, muderût û bi tirsin.
Him ditirsin him jî gav bi gav, kêlî bi kelî têkdiçin, hildiweşin.
Beyî ku em dirêj bikin, em tirsa van faşîstên tirsonek bibînin û bi xwe, bi gelê xwe, û bi baweriya ku êdî dema çûyîna faşîzmê hatîye em li hember her cûre erîşên faşîstan bi dengek bilind li çar aliyê Kurdistanê de dijî faşîzmê bisekinin.
