Helbestvanê Kurd Rojeng Rojbîr diyar kir ku derbarê destpêka helbestê de gelek nîqaşên cuda hene û got; “Ne tenê di civaka me de li hemû dinyayê, di heman serdemê de dest pê kiriye. Ji ber ku helbest rêya ravekirina nerazîbûnan e.”
Li ser helbesta Kurdî helbestvanê Kurd Rojşeng Rojbîr diyar kir ku helbest rêya ravekirina bertekan e û got, “Ya ez pê bawer im, an jî dixwazim pê bawer bibim, berî pêşketina ziman, bi çav, hishisîn, gurpegurpa dil, deng , pelandina bireserekî an jî kirdeyekî re dest pê kiriye. Xwe lê girtina helbestê, qada herî zehmet ya edebî ye, ji bo kesên ku bi helbestê ve mijûl nabin, ravekirina vêya, ji xwe lê girtina helbestê jî zehmettir e. Bêeleqeya ji bo berheman, ji xuliqandina berheman bêhtir diwestîne. Siyaseta ku li ser welêt tê ferzfirin xwîneran ji xwendinê bêhtir, ber bi temaşekirinê ve bir. Ji bo nivîskarekî, berdêla van trajediyan helbet berhemdayîn e.”
Rojbîr di dewama axaftina xwe wiha got, “Nivîskar, ji bo populîstiyê dest ji heqaniyetê berdan. Ji ber hê bêhtir bi nivîsê ve mijûl im, min peyva nivîskar bikar anî. Bi hemû kesên ku bi beşên hunerê ve mijûl in re peyda bû. Ev nexweşî bû, bi çend kesî re peyda bûbû, di pey re li hemû kesî/beşî belav bû. Yek ji encama vê kambaxiyê, ya herî sereke jî ev e, kir ku tu berhemên baş derneyên. Her sal bi dehan pêşbazî çê dibin, lijne her tim heman kes in, xelatgir her tim diyar in. Xelatê nadin hunerê, didin têkiliyê. Civakeke ku êdî her titşî dizane peyda bû. Jê girîngtir, ji bo çi tu kes li ser vê bobelatê nanivîse? Pêşiyan gotiye: “ Hoste ew e ku şagirtê xwe ji xwe baştir bigihîne.”
Li welêt, însan ne azad e, lê dema dest ji wê dozê berdan, bi ya min du carî têk çûn. Têkçûna dubare, berî tu hay ji xwe hebî, te di nav pergalê de dihelîne, an jî pergalê bi te ve dihelîne…MA
Posta çûyî
Posta tê