Nûrî SEÎD
Ataturk yan jî bavê Tirka xwe mirovek zanyar didît, berê Tirkî da Awrupa û pişta xwe da welatê misilmana, lê tiştê ku kir igal qedexe kir û şifqe kir şûna wê. Ev bû pêşketina Ataturk lê pêşketina rast û dirist ewe ku mirov tiştê bin şifqê bughere, ji ber ku Awrupa ev pêk anî me jî pêşxist lewma Tirkî paş ma ev yek ya duyemîn, kesê zanyarî gelê di nav xwe de dipejirîne û mafê wan diparêze ne weke Ataturk tiştê nemayî anî serê Kurd, Ermen û Suryana. Li vir em karin bêjin: Kesê koka wî ya bajarvaniyê li ser bingeheke hovîtî xwînijî pêk hatibe ew û zanyariyê dûrî hevin. Îro roj Erdogan dîsa dixwaze miletê Tirkî bixapîne bi demokrasiya xwe ya sexte û dibêje: (Tirkye welatê yekemîne bi dîmokrasiyê di Rojhilata navîn de ye) lê ku aliyek yan kesek rexnekê li konvaniya wî bike cihê wî zindane. Wek endamê (HDP)ê û golinyê ku li Emrîka dijî Erdogan dixwaze wî bîne Tirkî û wî bidar veke. Ev karê ku Erdogan pêk tîne meseloka kurdî tîne bîra me ya ku dibêje.
Mal mala te ye lê nêzî tiştekî nebe
Tê wateya Tirkî pir qala dîmokrasiyê dike û dibêje ezê li welatê xwe sistema demokrasiyê ava bikim lê divê kesek devê xwe veneke, di vî warî de em dikarin bêjin çiqasî desthilatdariya Tirkî kirasa li xweke, ji kirasê xerab yê bêbextiyê qet li bejna wê nayê, ev tişt diyar bû di hilbijartinê xwe cihî de ji ber (AKP) biser neket. Di bajarê Tirkî yê mezin Erdogan dixwaze hibijartinê vegerîne û encamê bugherîne bi aliyê xwe lê çibike nema dikare ruyê xwe û partiya xwe sipî bike. Ji ber milet gotina xwe da û taliya Erdogan nêzîk bû ye, ji ber ku çênabe mirov diz be û di heman demê de şêr be. Di heman demê de gava Erdogan rêjîma Tirkî ji berlemanî kir serokatî dawiya xwe anî, ji ber vê yekê hatiye gotin; (Yê ku nêta wî xerabe amintî lê na be û dawiya wî xerabe). Di dawî de em karin bêjin; Tirkî ji mêjve li ser kuştin, bêbextiyê û derewan ava bûye û ew ne bikêrî zanyariyê û ne demokrasiyê tê û bûye mîna penceşêrê di herêmê de. Divê gelê Rojhilata Navîn bibin yek da ku karibin xwe ji vê nexweşiya giran biparêzin û nehêlin (AKP) mijarên xwe yên qirêj di Bakur û Rojhilata Sûriyê de pêk bîne.
