Gulîstan XALID
Di demên dawî de em dibînin ku weke gelek caran dîsa tabloyên ku di navbera Tirkiye û Emerîka de xira dibe, xwiya dikin. Gelên me hun dîsa bi van tabloyan ne xapin, û ne fikirin ku ev wê tu faydeyê li we bike…
Dema mijar dibe kurd û îradeya kurdan hemû dijminên ku dijminatiya hev dikin jî bi hev re dibine dost. Em di dîrokê de gelek caran ji vê yekê re bûne şahid. Îja di navbera Emerîka û Tirkiye de jî pir caran weke ku nexweşe û weke ku êdî ev têkilî ha wê xira bibe û ha wê xira bibe xwiya dike.
Yanî Emerîka heya niha ji bo tehdîdên tirkiye, gefên ku tirkiye li ser kurdan xwariye çi kiriye. Em wer nefikirin ku tirkiye bi serê xwe dikare êrîşî deverekê bike. Ne rewşa wê ya aborî ne jî ya leşgerî û siyasî ji bo vê yekê destûr dide. Ma çima tirkiye ewqes ji bo girtina S4000 bi heves û israre. Jiber ku tu carî hêza wê ya ku bi wêrekî rû bi rû, sîng bi sîng şerekî bide meşandin nebûye, û ji ber ku rewşa wê ya şer aloze.
Di sala 2007 de li gel ku teknîk jî li ser gerîlayên kurdistanê di herêma Zapê de bikar anî lê cara yekê ew jî jiber derewên Erdoxan yê ku digot kes di wan çiyayn de nemaye, milê xwe hejandin û xwe li ba kirin. Lê dema bersiva gerîlaya dîtin nema dizanîbûn bê wê çawa xwe ji wir xelas bikin. Îja ew ji artêşa dewleta tirk re bû dersek. Ji wê demê de faam kirin ku ewê tu carî nikaribin li hemberî şervanên kurda sîng bi sîng şer bikin. Ji lewma weke parseka ji bo çekên giran geh xwe davêje Rusya geh jî xwe davêje Emerîka.
Îja niha ev mesela aciziya di navbera tirkiye û emerîka ya ku di van rojên dawî de derdikev çiye. Mesele ewe ku rusya û emerîka weke du reqîb tirkiye di nav xwe de dikişkişîne. Kî hinekî di devê tirkiye de rake tirkiye jî xwe dide milê wê. Tirkiye weke govedeyeke bê mejî lê hatiye, her du hêzên din jî, rusya û emerîka ketine nava pişbirga kî herî zêdetir bikaribe wê bi karbîne û li ber destê xwe bibe û bîne. Her yek ji wan dixwaze soxrên xwe yê di rojhilata navîn de bi tirkiye bide kirin. Ma ev herdû hêz wê ehmeqekî weke Erdoxan û Bahçelî ji ku peyda bikin, ma wê ehmeqên ji wan baştir bibînin qey. Ji lewma tucar ev herdu hêz têkiliyên xwe bi tirkiye re naqedînin, tenê car caran ewê hin şiqaman lê bidin, carcaran jî ewê wê haş bikin ji bo ku bes bigrî, bi rastî jî tirkiye bûye pêkenok…
