Sîpan CAN
Di van rojên dawî de, di nav de 4 leşkerên Emrîkî 15 kesan jiyana xwe di teqîna li Minbicê ji dest dan. Ji dîroka hatina koalîsiyona navnetewî û leşkerên Amerîkayê yekemîn car e ku rasterast tên armancgirtin. Teqîna ku buye, ne ji rêzê bû, taybet piştî daxuyaniyên Erdogan û dewleta Tirk. Serokê Amerîkayê Trump piştî daxuyaniya xwe ku ew ê aboriya Trikiyê hilweşînin, rastî nerazîbûna Tirkan hat. buyera li Minbicê jî bersiva wê bû. Belkî heya niha di derbarê teqînê de rewş zelal ne bûye; lê di heman roja teqînê de girtina şaneyekî istîxbaratê yê girêdayî MÎT’a tirkan vê yekê ji gomanan dişo.
Di vê rewşa li Sûriyê ku mîna volkanekê ye li ber teqînê ye, mirov nikare palê bide daxuyaniyên feredî yên dewletên cîhanî û bi taybet ji kesayetekî mîna Trump. Hin caran xuyaye hesabê mal û sûkê li hev nayên. Her çiqasî dewletekî mîna Amerîkayê ku xwe bi hêza xwe dibîne, dibêje ez û ne kes; lê me dît bersiva tirkan jê re çibû. Divê Amerîka vê baş zanibe ger ev teqîn hinceteke mezin dide ku xwe zû ji Sûriyê vekişînin; lê ger îro li vir hatin aramancgirtin wê sibe di hundir malê xwe de jî rastî van êrîşan were. Siyasetên sexte yên van dewletan ku li ser bingeha berjewendiyan avabûye xêrê ji mirovahiyê re naxwaze. Ya wan rast be, di dîroka îro de, ango di dîroka weşandana vê gotarê ku salek di ser êrîşên dewleta Tirk yên li ser Efrînê re derbas dibe, gelek zelal van siyastan rût dike. Ger rastî dixwazin kokên terorê biqelînin wê demê çima hefsarê Trikiyê û çeteyên wê berdan nava herêma herî ewle li Sûriyê Efrînê. Niha jî behsa herêma ewle dikin, bi nêrîna min, divê ev herêm me ku di hundirê sînorên Sûriyê de bê avakirin lê belê di hundirê Sînorên Tirkiyê de, ji ber ku çavkaniya terorê bi sînorên wê ve tê.
Di vê rewşê de, tenê riyek heye ku teror pê bê qedandin, ger ne bi wê bê jî wê teror tu carî bi dawî nebe. Tenê bi rizgarkirina Efrînê encax kok û mokên terorê bên qedandin û cîhan ji terorê xilas bibe. Ya duyem jî bi biryarek navnetewî jî hemû heyînên dagirkeriya Tirkiyê ji tevhahî Sûriyê bê derxistin. Herêma ewle jî yê ku behsa wê dikin divê bi gerantiyek navnetewî were avakirin. Lê bi nêrîna min jî ev hêzên kum şîn ango hêzên parastina aştiyê li gelek welatên dunyayê bûne sedemê dagirkirina wê herêmê ji hêla hêzeke hevkar mîna Tirkiyê wek mînak, ango dîsa ev hêz mîna hêzekî dagirker mirov dikare binas e.
Bi gîştî ger çavkaniyên terorê neyên çikandin wê tu carî cîhan rihet rûne nê!!!
